Read Batak Dairi 4 Musa 1 Bible Online

4 Musa 1 - Batak Dairi bible

4 Musa 1

¹I ari sada bulan dua i tahun peduaken enggo kessa itadingken bangsa Israel tanoh Mesir, mengerana mo JAHOWA taba si Musa ibas Undung-undung JAHOWA i gurun Sinai. Nina mo,

²“Kennah mo kono dekket si Aron mengkèrah karina bangsa Israel, mengèkutken kaum dekket horong kalak i gennep. Baing mo daptar gerar-gerar karinana anak laki

³simerumur duapuluh tahun mi babo sindorok gabè soridadu. Kennah idaptar ngo kalak i mengèkutken nuhnuhenna gennep.

⁴I gennep marga nai, pido mo sada kalak mahan pengulu kaum lako mengurupi kènè.”

⁵En mo gerar-gerar kalak i sienggo ipilih ibas bangsa i nai lako mengurupi si Musa dekket si Aron janah gabè pengulu i gennep-gennep marga, imo: [Marga] — [Simenguluken] Ruben — Si Elizur dukak si Syedeur Simeon — Si Selumiel dukak si Zurisyadai Juda — Si Nahason dukak si Aminadab Isasar — Si Netaneel dukak si Zuar Zebulon — Si Eliab dukak si Helon Efraim — Si Elisama dukak si Amihud Manasye — Si Gamaliel dukak si Pedazur Benjamin — Si Abidan dukak si Gideoni Dan — Si Ahiezer dukak si Amisyadai Asyer — Si Pagiel dukak si Okhran Gad — Si Elyasaf dukak si Rehuel Naptali — Si Ahira dukak si Enan

¹⁷Merkitè pengurupien si sipuluh dua kalak i, isuruh si Musa dekket si Aron

¹⁸mo karina ummat i merpulung i ari sada bulan dua, nai isusun mo tarombo kalak i merempung-empung mengèkutken marga kalak i. Isurat janah ikèrah mo karina gerar anak laki si- merumur duapuluh tahun nai mi babo,

¹⁹ba- gè sinidokken JAHOWA. Ibahanken si Musa ngo karina idi i gurun Sinai.

²⁰Gennep anak laki simerumur duapuluh tahun mi babo sindorok gabè soridadu isuratken mo gerarna mengèkutken horong empungna mulai bai si Ruben nai, anak situaen si Jakob soh taba si Naptali. Buè kalak i imo: [Marga] — [Buè Kalakna] Ruben — 46.500 Simeon — 59.300 Gad — 45.650 Juda — 74.600 Isasar — 54.400 Zebulon — 57.400 Efraim — 40.500 Manasye — 32.200 Benjamin — 35.400 Dan — 62.700 Asyer — 41.500 Naftali — 53.400 Pulung karina: — 603.550

⁴⁷Ukum kalak Lewi oda pella isuratken rebbak dekket marga-marga sidèban,

⁴⁸kumerna enggo idokken JAHOWA mbang si Musa,

⁴⁹“Sinderrang isurati kono gerar-gerar kalak sindorok gabè soridadu, ulang pella suratken marga Lewi.

⁵⁰Dokken mo kalak i mengkebasi Undung-undungKu dekket karina haliuna. Ulaen kalak i imo mengosong Undung-undungKu dekket mengurus haliuna. Kennah merundung-undung ngo kalak i merkuliling.

⁵¹Mula mbungkas kènè, kennah irontas kalak Lewi ngo Undung-undungKu, nai balik nola mo ipejengjeng i gennep bekkas permalamen sirimbaru. Laènken kalak i, barang isè sambing simenjolmiti Undung-undung idi kennah ihukum matè.

⁵²Kalak Israel sidèbanna i pè kennah ipejengjeng undung-undung kalak i merlungguk-lungguk, gennep kalak mersièngèt lunggukenna i sikuliling bandèrana gennep.

⁵³Tapi ukum kalak Lewi kennah igembar Undung-undungKu ngo kalak i merundung-undung. Kennah ijaga kalak i ngo, asa ulang lot barang isè mendessingi, memaingken Aku gabè melaga janah menghukum bangsa Israel.”

⁵⁴Nai iulaken kalak Israel mo nasa siniperèntahken JAHOWA bai si Musa.