Read Batak Dairi 4 Musa 2 Bible Online

4 Musa 2 - Batak Dairi bible

4 Musa 2

¹Nai nina JAHOWA mo taba si Musa dekket si Aron:

²“Tikan pejengjengken perundung-undungen kalak Israel gennep jelma kennah merundung-undung i sikuliling bandèra kaumna, dekket tanda alam sinibakin kaumna sendiri. Karina perundung-undungen idi kennah ipejengjeng i sikuliling Undung-undungKu, tapi narih ndaoh situk i sidi nai.”

³Kettan kebincaren imo, soridadu sicilendung i terruh bandèra persadaen Juda kennah merundung-undung mengèkutken nuhnuhen dekket penguluna gennep ibas susunen ènda: [Marga] — [Simenguluken] — [Buè Kalakna] Juda — Nahason dukah si Aminadab — 74.600 Isasar — Netaneel dukak si Zuar — 54.400 Zebulon — Eliab dukak si Helon — 57.400 Pulung karina: — 186.400 Pulungen Juda kennah berkat kan lebbè kalohon.

¹⁰Kettan selatan, soridadu simercilen- dung i terruh bendèra persadaen i marga Ruben, kennah merundung-undung mengè- kutken nuhnuhen rebbak dekket simengulukensa gennep bagèen mo susunenna: [Marga] — [Simenguluken] — [Buè Kalakna] Ruben — Elizur dukak si Syedeur — 46.500 Simeon — Selumiel dukak si Zurisyadai — 59.300 Gad — Elyasaf dukak si Rehuel — 45.650 Pulung karina: — 151.450 Pulungen marga Ruben kennah berkat i nuhnuhen peduaken.

¹⁷Enggo kessa i, i tengah-tengah karina soridadu Israel, merdalan mo marga Lewi me- rembah Undung-undung JAHOWA. Bakunè kin kalak i merundung-undung, bagidi ma ngo bang tikan merdalan kalak i, gennep mer- sièngèt bekkasna mengèkutken bandèrana.

¹⁸Kettan kesunduten, soridadu sicilendung i terruh bandèra persadaen marga Efraim kennah mo merundung-undung mengèkutken nuhnuhen dekket simengulukensa gennep bagè susunen èn: [Marga] — [Simenguluken] — [Buè Kalakna] Efraim — Elisama dukak si Amihud — 40.500 Manasye — Gamaliel dukak si Pedazur — 32.200 Benjamin — Abidan dukak si Gideoni — 35.400 Pulung karina: — 108.100 Pulungen Efraim kennah merdalan ketan podi marga Lewi.

²⁵Kettan Utara, soridadu sicilendung i terruh tanda persadaen marga Dan kennah merundung-undung mengèkutken nuhnuhen bak simengulukensa gennep bagè susunen èn: [Marga] — [Simenguluken] — [Buè Kalakna] Dan — Ahiezer dukak si Amisyadai — 62.700 Asyer — Pagiel dukak si Okhran — 41.500 Naptali — Ahira dukak si Enan — 53.400 Pulung karina: — 157.600 Pulungen marga Dan berkat ipodi kalohon.

³²Buè kalak Israel sitersurat mengèkutken nuhnuhenna gennep, imo 603.550 kalak.

³³Bagè siniperèntahken JAHOWA taba si Musa, ukum kalak Lewi oda isuratken rebbak dekket kalak Israel sidèbanna i.

³⁴Iulaken kalak Israel ngo karina sini- perèntahken JAHOWA bai si Musa. Gennep mo kalak i merundung-undung i sikuliling bandèrana, janah berkat mengèkutken horong dekket kaumna.