Read Batak Dairi 4 Musa 7 Bible Online

4 Musa 7 - Batak Dairi bible

4 Musa 7

¹Enggo kessa dung si Musa pejengjengken Undung-undung JAHOWA, ipèstaken mo Undung-undung i dekket karina haliuna merkitè idalisi karina dekket minak. Bagi ma mo tong ibakin mi langgaten dekket karina haliuna.

²Nai karina simpantas niasè kalak Israel, imo pengulu-pengulu marga simertanggung jabab ibas ulaen pengkèrahen,

³memèlèken mi hadeppen JAHOWA ennem pedati dekket sipuluh dua lembu: Gennep dua kalak pengulu memerèken sada pedati, janah memerèken tersada lembu. Enggo kessa ipèlèken kalak idi i,

⁴nina JAHOWA mo mbang si Musa

⁵“Jalo mo siniberèken kalak idi asa lot merembah Undung-undungKu; pesakat mo karina idi bai kalak Lewi rembang mi ulaen kalak i.”

⁶Nai ipesakat si Musa mo pedati-pedati dekket lembu idi bai kalak Lewi.

⁷Dua pedati dekket empat lembu iberèken bai kalak Gerson,

⁸empat pedati dekket ualuh lembu bai kalak Merari, rembang mi ulaen siniulaken kalak i siniuluken si Itamar anak Imam Aron.

⁹Tapi ukum kalak Kehat oda ngo menjalo pedati barang pè lembu bai si Musa nai, kumerna ugas-ugasen simbadia simahan tanggung jabapen kalak i, kennah ipersan kalak i ngo i barana.

¹⁰Karina simpantasniasè i mersiembah pèlèenna ngo lako memèstaken kerja mensahken langgaten. Tikanna enggo kessa kebbas kalak i merembah pemerèken kalak i i lebbè langgaten,

¹¹nina JAHOWA mo mbang si Musa, “Dokken mo bai kalak i magahken gennep ari sidekkah sisipuluh dua ari èn, sada kalak ibas pengulu idi nai kennah memèlèken pèlèenna mahan kerja mensahken langgaten.”

¹²Gennep mo mersiembah pèlèenna mengèkutken persusunna èn: [Ari] — [Marga] — [Simenguluken] Perlebbè — Juda — Si Nahason anak si Aminadab Peduaken — Isasar — Si Netaneel anak si Zuar Peteluken — Zebulon — Si Eliab anak si Helon Peempatken — Ruben — Si Elizur anak si Syedeur Pelimaken — Simeon — Si Selumiel anak si Zurisyadai Peenemken — Gad — Si Elyasaf anak si Rehuel Pepituken — Efraim — Si Elisama anak si Amihud Peualuhken — Manasye — Si Gamaliel anak si Pedazur Pesibahken — Benjamin — Si Abidan anak si Gideoni Pesipuluhken — Dan — Si Ahiezer anak si Amisyadai Pesipuluhsadaken — Asyer — Si Pagiel anak si Okhran Pesipuluhduaken — Naftali — Si Ahira anak si Enan Dos ngo pèlèen kalak idi karina: Sada pinggan pirak berratna 1,5 kilo dekket sada bokkor pirak berratna 800 gram, mengèkut- ken timbangen simerlaku i Undung-undung JAHOWA. Duana bekkas idi idomi mo dekket nditak mersakkor minak mahan pèlèen hantaren. L(...)

⁸⁴Karina pèlèen siniembah pengulu sisipuluh dua kalak mahan Kerja mensahken langgaten idi pulung karina: — Sipuluh dua pinggan pirak dekket sipuluh dua bokkor pirak, berratna karina 27,6 kilo — Sipuluh dua pinggan emmas berratna karina l,32 kilo, dom merisi dahupa — Sipuluh dua lembu tonggal, sipuluh dua biri-biri tonggal, dekket sipuluh dua anak biri-biri merumur sada tahun, rebbak dekket pèlèen hantaren sikira penam- bahina mahan pèlèen situtungen — Sipuluh dua kambing mahan pèlèen kesasaen dosa, duapuluh empat lembu tonggal, ennempuluh biri-biri tonggal, ennempuluh kambing dekket ennempuluh anak biri-biri merumur sitahun mahan pèlèen perdamèen.

⁸⁹Gennep mbengket si Musa mi bagessen Undung-undung JAHOWA lako mengerana dekket JAHOWA, idengkoh ngo sora JAHOWA mengeranai tabasa i babo tutup Pèti Perpadanen i nai i kellang-kellang gana-gana kerub sidua i.