Read Batak Dairi Zakharia 4 Bible Online

Zakharia 4 - Batak Dairi bible

Zakharia 4

¹Roh nola ma mo malaèkat sienggo mengerana dekket aku idi kin janah mendungoi aku bagè mendungoi kalak siterpeddem.

²“Kadè ngo idah ko?” nina. “Sada nèhè lampu ibas emmas nai,” ningku mengaloi. “Lot ngo bekkas minakna i punca kettan babo, janah i sikulilingna lot ngo pitu lampu, janah karina i lot terpitu bekkas sumbuna.

³Kettan kambirang dekket kamuhun nèhè lampu idi lot ngo dua kayu zaitun.”

⁴Kessa i kukusoken mo taba malaèkat idi, “Kadè ngo sinicodiken sikuidah i, alè Tuan?”

⁵“Oda ngo tahu ko?” nina baku. “Oda ngo Tuan nami,” ningku mengaloi.

¹⁰Nina malaèkat idi mo taba aku, “Si pitu lampu idi imo mata JAHOWA sipitu i simemperdimata karina tanoh èn.”

¹¹Kessa i kukusoken nola mo tabasa, “Kadè ngo lapaten kayu zaitun i kamuhun kambirang nèhè lampu i?

¹²Kadè ma lapaten sidua ndahan kayu zaitun i gembar cerobong emmas simenjarirken minak zaitun i?”

¹³Nina mo taba aku, “Oda ngo ibettoh kono?” “Oda ngo Tuan,” ningku mengaloi.

¹⁴Nai nina mo, “Ukum tersèngèt i imo dua kalak sienggo ipilih JAHOWA sagumanna silot janah iteddo lako mengkebasisa.” Bagah-bagah JAHOWA taba si Zerubabel Idokken malaèkat idi mo aku pesakatken taba si Zerubabel tennah JAHOWA ènda, “Oda ngo merkitè kegegohen soridadu janah oda ma merkitè kegegohenmu sendiri asa merhasil kono, tapi merkitèken tendingKu ngo. Ambat-ambat nasa delleng pè ipedaoh i lebbèna nai. Balik nola mo isasai ko BagesKu, janah tikan igamparken ko batu cendi persoki i bekkasna, isurakken dèba mo, ‘Sondel ngo merandalna!’ ” Nai roh nola mo tennah sidèban bai JAHOWA nai. Nina mo, “Enggo igamparken si Zerubabel batu cèndi BagesKu janah pul mo ibaing karina bahaen idi. Mula masa kessa idi bettohen bangsangKu mo magahken Aku ngo si pasulakken kono mendahi kalak i alè Zakharia. Lot ngo kalak simengapasi simasa èn. Tapi idahen kalak i mo si Zerubabel menerrusken menasai BagesKu, janah mersampang atè mo kalak i.”