Read Batak Dairi 5 Musa 11 Bible Online

5 Musa 11 - Batak Dairi bible

5 Musa 11

¹“Kekelengi mo jahowa Dèbata ndè- nè, janah dak ulaken karina patienNa.

²Èngèt mo bagèndari kadè sinibettoh ndè- nè tersèngèt JAHOWA ibas pengalamen ndènè nai. Ukum dukak-dukak ndènè oda lot bana pengalamen sibagidi. Kènè ngo si- enggo menaksiken kehejien JAHOWA Dèbata ndènè, kegegohenNa, kuasaNa

³dekket kelengangen-kelengangen sinihanakenNa. Idah kènè sendiri ngo barang bakunè ibaing ta- ba raja Mesir dekket mi suberri nagerrina.

⁴Idah kènè ngo barang bakunè cara JAHOWA mengeripasken soridadu Mesir rebbak dek- ket karina kuda bak kurèta perangna. Ineknek ngo kalak i karina i Laut Arngo sinderrang mengeletlet kènè.

⁵Ibettoh kè- nè ngo barang bakunè ibaing JAHOWA bai ndènè i gurun pasir sinderrangna mak dèng soh kènè mi sèn.

⁶Ièngèt kènè dèng ma ngo katèngku barang kadè sinibakin JAHOWA ta- ba si Datan dekket si Abiram, dukak-dukak si Eliab i marga Ruben nai. I lebbè ndènè karina ngo, terbellah tanoh i nai ibendut mo rasken kalak i sisimpangaen, undung-un- dung, karina hamba bak pinakan kalak i.

⁷Uè, kènè ngo sienggo mengidah merkitè penengen ndènè sendiri karina kelengangen sinihanaken JAHOWA.”

⁸“Ulaken mo karina hukum sienggo kupesakat taba kènè i ari sidari èn, asa ndorok kènè menurèpari laè janah mbengket mi nagerri oda ndekkah nèngè naing ianen ndènè.

⁹Janah asa ndekkah kènè nggelluh i nagerri kaya janah nggabur, siniperbagah JAHOWA bai empung ndènè dekket bai pinempar kalak i.

¹⁰Ukum nagerri sinaing ianen ndènè i, oda ngo bagè tanoh Mesir, bekkas ndènè merian arnia. Ukum i sadoi tikanna i kennah mengula ngo kènè mertuhu-tuhu pejarirken laè mi juma tikan mengardangken bennih.

¹¹Tapi ukum nagerri sinaing bengketten ndènè imo uruk-uruk dekket napa-napa; tanohna merlaè kerna udan.

¹²Ijamoti JAHOWA Dèbatamu ngo nagerri i janah ijaga suntuk tahun.

¹³Asa ulaken mo perèntah sienggo kupesakat bai ndènè i ari sidari èn; kekelengi mo JAHOWA Dèbatamu janah poji kènè mo Ia ibas karina pusuh peratèen dekket gegoh ndènè nai.

¹⁴Mula bagi ngo ibakin kènè, nai roh mo udan ibaing JAHOWA mi tanoh i tupung mosimna, enggo kessa pul kènè merani, dekket tikanna mulai mardang kènè. Nai cukup mo pagè ndènè, anggur dekket minak Zaitun, bang dukut bai pinakan ndènè.

¹⁵Karinana pangaen siniperluken ndènè lot mo i bai ndènè.

¹⁶Ulang kènè uè isirang bai JAHOWA nai lako mersembah dekket menguèi dèbata-dèbata sidèban.

¹⁷Mula ilausi kènè perèntah idi, melaga mo JAHOWA taba kènè. Oda nèngè mo roh udan ibaing, gabè kerrang-kerring mo tanoh ndènè gabè oda nè merbuah suan-suaen. Asa ibagasen sinempas sambing mermatèen mo kènè i tanoh nggabur siniberèken JAHOWA taba kènè.

¹⁸Èngèt janah radum-radumi mo pati-patiin idi. Tapelken ibas betekkenmu janah lekketken ipas perdempakenmu asa dak tong ièngèt-èngèt.

¹⁹Ajarken mo bai dukak-dukakmu. Tersèngèti mo i bages dekket i ruar bages, tikanna mentadi dekket tikan mengula.

²⁰Suratken mo ipas tekkang pèntu bagesmu dekket i pèntu pengkeruhenmu.

²¹Asa nggeddang umur ndènè dekket dukak-dukak ndènè i nagerri siniperbagah JAHOWA Dèbata ndènè bai empung ndènè. Sidekkah lot dèng langit i babo tanoh èn, sidekkahna i ma mo kènè tong merian i tanoh i.

²²Ulaken mo mertuhu-tuhu karina patiin sikupesakat taba kènè: Kekelengi mo JAHOWA Dèbata ndènè, ulaken mo karina siniperèntahkenNa taba kènè, janah naing mo dak tong setia kènè tabasa.

²³Nai ipelaus JAHOWA mo karina bangsa i i lebbè ndènè nai, janah iiani kènè mo tanoh milik bangsa-bangsa nterremmen janah mergegohen bai ndènè nai.

²⁴Karina aur siniagahen ndènè gabè milik ndènè. Ukum ladang ndènè imo amak i padang gurun i Selatan nai soh mi Delleng Libanon i Utara, dekket i Laè Efrat i kebincaren nai soh mi Laut Tengah i kesunduten.

²⁵I suberri nagerri i, buradan mo kalak midah kènè ibaing JAHOWA Dèbata ndènè, bagè sinijanjikenNa, gabè sada kalak poda ndorok menghalangi kènè.

²⁶Sidari èn ndorok mo pilih kènè, tah pasu-pasu ngo barang sumpah.

²⁷Ipasu-pasu ngo kènè mula iulaken kènè pati-patien JAHOWA Dèbata ndènè, sikupesakat bai ndènè i ari sidari èn.

²⁸Tapi kenna sempetta mo kènè mula oda iulaken kènè pati-patiin JAHOWA Dèbata ndènè, mula gabè merbalik nola ngo menembah dèbata-dèbata sidèban siso nung isembah ke.

²⁹Enggo kessa iarahken JAHOWA Dèbata ndènè kènè mbengket mi nagerri siniianen ndènè sikali èn kennah ruapken kènè mo pasu-pasu i Delleng Gerizim nai janah sumpah idi i Delleng Ebal nai. (

³⁰Duana delleng i imo kan kesunduten Laè Jordan i ladang kalak Kanaan simerian i napa Jordan, mendempak mi kesunduten oda ndaoh nè i kayu ntemtem bekkas mersembah i More dekket kuta Gilgal.)

³¹Oda ndekkah nèngè suberrangen ndènè mo Laè Jordan janah mengiani tanoh siniberèken JAHOWA Dèbata bai ndè. Enggo kessa itaban kènè tanoh i janah merian i sidi,

³²kennah ulaenken ndènè karina patiin sikupesakat bai ndènè i ari sidari èn.”