Read Batak Dairi 5 Musa 19 Bible Online

5 Musa 19 - Batak Dairi bible

5 Musa 19

¹“Enggo kessa iripasken JAHOWA Dèbata ndènè bangsa-bangsa idi janah iberèken nagerrina bai ndènè, janah enggo kessa itaban kènè kuta dekket bages kalak i janah merian i sidi,

²kennah bagi tellu mo baing kènè aur idi, gennep bagian ibaing sada kuta perculenggemmen simelukah dahien gennep kalak simemunuh ndorok mperrus mi sidi.

⁴Mula lot kalak memunuh sidèban siso musuhna tapi oda inakkati, ndorok ngo ia mperrus mi barang paina kuta i janah ndorok nggelluh i sidi.

⁵Umpamana lot mo dua kalak rebbakken laus mi rambah lako menabah kayu. Tikanna menabah kayu i sada kalak, mèter mastak mo beliungna i sokkirna nai janah kenna serrang denganna i gabè matè. Asa oda ngo mersalah jelma simemunuh i kumarna oda isengaja janah ndorok ngo mperrus ia mi sada kuta ibas sitellu kuta perculenggemmen idi nai asa njuah-njuah ia. Ukum pellin sada sambing ngo kessa kuta perculenggemmen, tah bakunè ndaohsu mi kuta i, janah terjalangen pamili sincelket simertanggung jabab lako muat bèla i nola ia janah kumerna lagana, gabè ibunuh nola kalak siso mersalah.

⁷Kumerna i mo asa kuperèntahken bai ndènè lako mèmaken tellu kuta.

⁸Mula enggo kessa ipebellang JAHOWA Dèbata ndènè ladang ndènè i bagè siniperbagahNa bai empung ndènè, janah karina nagerri idi enggo iberrèken bai ndènè,

⁹kennah pilih kènè ma tellu nai kuta perculenggemmen. (Iberèken ngo nagerri idi bai ndènè mula iulaken kènè karina sikuperèntahken bai ndènè i ari sidari èn, janah mula ikekelengi kènè JAHOWA Dèbata ndènè janah nggelluh mengèkutken peddahNa).

¹⁰Bahanken kènè mo idi asa ulang merdosa kènè kumerna memelli ibunuh kalak siso mersalah ibas nagerri siniberèken Dèbata ndènè taba kènè.”

¹¹“Tapi kalih ngo mula lot kalak simengambat alona janah merkitè isengaja janah merdengan nggogo atè memunuhsa, nai mperrus mo ia mi sada barang pai kuta perculenggemmen idi lako culendung.

¹²Ukum bagidi ngo, kennah pengulu kutana mo mendiloi kalak sibagidi nai isohken mo ia taba sincelket siterbunuh i simerhak lako muat bèla memunuh i, asa ibunuh ia.

¹³Ulang lot mermasèh atè tabasa. Kelini mo Israel bai pemunuh i nai, asa mersennang-sennang kènè.”

¹⁴“Mula enggo kessa soh kènè mi nagerri siniberèken JAHOWA Dèbata ndènè bai ndènè, ulang mo mengompat baleng ndènè sienggo itentuken kin.”

¹⁵“Oda bias pellin sada kalak sambing saksi lako mendokken sada kalak sitersangka mersalah; sicitukna mo kennah lot dua kalak saksi.

¹⁶Mula lot sada kalak mertaki naing mendabuhken kalak sidèban merkitè tuduhen palsu i perhukumen,

¹⁷kennah duana kalak i laus mi bekkas perpulungen sinitentuken JAHOWA asa iperèso imam dekket perhukum simengula i sidi kalak i.

¹⁸Kennah sessè ngo iperèso perhukum perkara idi, janah mula terdapet ngo kalak idi peroha-rohaken samahsa kalak Israel,

¹⁹kennah ijalo ngo hukumen bakunè kin dok atèna taba alona idi. Merkitè bagi enggo ipesisi kènè kejahaten idi.

²⁰Sar mo berita i taba karina kalak nai gabè mbiar mo, nai gabè oda nè- ngè mo lot maing kejahaten sibagidi.

²¹Ulang mermasèh atè kènè tupung perkara sibagidi. Hukumenna imo: Kessah ali kessah, mata ali mata, èpen ali èpen, tangan ali tangan janah nèhè ali nèhè.”