Read Batak Dairi Johanes 6 Bible Online

Johanes 6 - Batak Dairi bible

Johanes 6

¹Enggo kessa barang sadikè dekkah nola, berkat mo Jesus mi suberrang Tao Galilea (sinigerari ma Tao Tibe- rias).

²Nterrem ngo kalak mengèkutken- sa, kumarna enggo idah kalak i tanda kel- lengangen nihanaken Jesus pemmalumken kalak simersakit.

³Mennangkeng mo Jesus mi uruk nai kundul mo Ia isidi rebbak dekket sisinNa.

⁴I katika i enggo mo ndes- sing Ari Raya Paskah kalak Jahudi.

⁵Ti- kan itengen Jesus merkuliling, idah mo ka- lak merrohen merkolan-kolan mendahiSa. Nai idokken mo taba si Pilipus, “I dikè nai mo sitokor pangaan, asa ndorok mangan karinana jelma nterrem èn?” (

⁶Idokken Jesus pè bagidi, mengunjuni si Pilipus ngo Ia, ai ibettoh kin ngo sinaing bakinen- na.)

⁷Ialoi si Pilipus mo, “Sitokor pè roti dua ratus kèpèng pirak, oda cukup bai jelma mbellang èn giam tersituk pè.”

⁸Nai sada kalak ibas sisiin idi nai, imo si Andreas anggi si Simon Petrus mendokken,

⁹“Lot ngo isenda anak-anak daholi merembah lima roti dekket dua ikan. Tapi kadè mo lapatenna bai jelma bagèen buèna?”

¹⁰Nai idokken Jesus mo taba sisinna i, “Dokken kènè mo kundul jelma mbellang i karinana.” Jadi merkundulen mo karinana kalak idi i babo dukut-dukut i, ai mbellang ngo jampalen i sidi. Karinana kalak idi lot ngo kira-kira lima ribu kalak daholi.

¹¹Nai ibuat Jesus mo roti i, idokken mo lias atè taba Dèbata. Enggo kessa i Ipembagiken mo roti i bai jelma mbellang i. Ikan idi pè, bagidi ma ngo ibakin. Nai mangan mo kalak idi karinana janah bessur.

¹²Enggo kessa bessur mangan kalak idi karina, idokken Jesus mo taba sisinNa, “Pepulung kènè mo pangaan siso kerri i karina, ulang lot magosia.”

¹³Ipepulung sisinna i mo siso kerri i, dom sipuluh dua baka, imo siso kerri jelma mbellang i, ipas silima roti idi nai.

¹⁴Idah jelma mbellang idi kessa mo kellengangen sini hanaken Jesus i, nina kalak i mo, “Èn ngo tuhu Nabi i, sinaing roh mi dunia èn!”

¹⁵Naing mo ipaksa kalak i Jesus gabè rajana, tapi ibettoh Jesus ngo taki kalak idi i, laus mo Ia sadasa mi delleng ninganna mengillak.

¹⁶Enggo kessa ramben ari, laus mo sisiin Jesus mi tao.

¹⁷Ibengketti kalak i mo bungki, nai isuberrangi kalak idi mo taoi i, lako laus mi Kapernaum. Enggo pè gellap laju ngo madèng roh Jesus mendahi kalak idi.

¹⁸Tikanna i enggo mulai goncang laut i kumarna angin sapa-sipu.

¹⁹Enggo kessa ikayuhken kalak i kira-kira lima barang ennem batu mi tao; keppè sintempu mo idah kalak i roh Jesus mi bungki kalak idi, merdalan i babo laè i. Gabè buradan mo sisiin i.

²⁰Tapi nina Jesus mo taba kalak idi, “Ulang kènè mbiar, Aku ngo èn!”

²¹Ibagasen sennang pennarihen ijalo kalak i mo Ia mbengket mi bungki i, janah gejapkenna i soh ma mo bungki kalak i mi tujunna.

²²Sibarembenkenna i, oda lot bungki idah jelma sitading i, laènken bungki sisada bari. Ibettoh kalak idi ngo tangkas enggo laus sisiin i perlebbè, janah oda ngo dekket Jesus ibagasen bungki i rebbak dekket sisinna i.

²³Tapi lot mo prau i Tiberias nai janah merlabuh ndessing mi bekkas kalak idi mangan i, imo tikan idokken Jesus lias atè taba Dèbata.

²⁴Ibettoh kalak idi kessa mo, oda i sidi Jesus bak sisinNa pè, ibengketti kalak i mo prau i, nai laus mo kalak i mi Kapernaum mennulusi Jesus.

²⁵Jumpa kalak idi kessa mo Jesus i suberrang tao i, ikusoi kalak i mo Ia, nina mo, “Guru, ndigan i kono soh mi sèn?”

²⁶Ialoi Jesus mo, “Kudokken mo taba kènè; itulusi kènè pè Aku, oda ngo kumarna enggo iarti kènè tanda kellengangen sienggo Kuhanaken i, tapi kemulihken bessur i ngo kènè.

²⁷Ulang mo tulusi kènè pangaan siuè kerri janah uè macik. Tapi mengula mo kènè lako menulusi pangaan siso uè macik, janah merrèken kenggelluhen situhunna, imo sinaing berrènken Anak Jelma bai ndènè. Kerna bana ngo enggo Ikuasaken Bapana Dèbata.”

²⁸Nai ikuso kalak i mo Ia, “Bakunè ngo kubaing kami asa ndorok kuulaken kami ulaan lemmo atè Dèbata?”

²⁹Ialoi Jesus mo, “Èn mo ulaan lemmo atè Dèbata. Keppercayai kènè mo Ia sinipasulak Dèbata.”

³⁰“Mula bagidi,” nina kalak i, “Kadè ngo tanda kellengangen i ihanaken Kono sindorok kuidah kami asa percaya kami baMu? Kadè mo ndorok ibaing Kono?

³¹Ukum empung nami mangan manna ngo tikan i kellongoon, ai tersurat ngo ibas Bibèl, ‘Iberrèken ngo kalak idi mangan roti i sorga nai!’ ”

³²Nai idokken Jesus mo taba kalak i, “Kudokken mo taba kènè: Oda ngo si Musa merrèken pangaan idi i Sorga nai bai ndènè, tapi BapangKu ni sorga i ngo merrèken roti situhunna, i sorga nai bai ndènè.

³³Ai niberrèken Dèbata i sorga idi nai, imo ia siroh i sorga nai memerrèken nggelluh situhunna bai dunia ènda.”

³⁴“Guru,” nina kalak i, “roti sibagidi mo dak berrèken bai nami.”

³⁵“Aku ngo roti kenggelluhen i,” nina Jesus taba kalak i. “Barang isè roh mendahi Aku, oda nèngè mellèhè ia. Janah barang isè percaya taba Aku, oda nèngè muasen ia.

³⁶Enggo Kudokken taba kènè: Ai tukasi pè enggo idah kènè Aku, tapi oda percaya kènè.

³⁷Karina sienggo iberrèken Bapa bangKu, roh ngo i mendahi Aku, janah oda ngo Kutulak barang isè roh mendahi Aku.

³⁸Roh Aku i sorga nai, oda ngo memmahanken roh-roh gèutku sambing, tapi memmahanken lemmo atè simengutus Aku i ngo.

³⁹Èn mo lemmo atè simengutus Aku: Ulang nemmu lot mago barang isè sienggo niberrèkenNa i bangKu, tapi asa Kupegelluh kalak i mengolihi tikan Ari Kiamat!

⁴⁰Ai èn ngo ipergeddo BapangKu: Barang isè sienggo mengidah Anak idi janah percaya baNa kupegelluh mo ia i Ari Kiamat janah bana mo kenggelluhen siamman sumendah.”

⁴¹Nai ngutnguten mo kalak Jahudi taba Jesus kumarna nidokkenna i, “Aku ngo roti siroh i sorga nai.”

⁴²Nina kalak idi, “Otang Jesus ngo ia, anak si Josep; otang sitandai ngo bapaNa dekket inangNa? Bakunè asa idokken roh i sorga nai Ia?”

⁴³Nai nina Jesus mo taba kalak i, “Ulang kènè ngutnguten.

⁴⁴Isè poda ndorok roh mendahi Aku, mula oda ipadiat BapangKu sipasulakken aku i ia roh mendahi Aku; janah karina sienggo roh mendahi Aku Kupekkèkè mo ia i Ari Kiamat.

⁴⁵Lot ngo tersurat ibas Bukku Nabi-nabi bagèen, ‘Karinana jelma iajari Dèbata.’ Asa karina jelma singgo mendengkoh janah menjalo peddah bai Bapa nai, roh ngo ia mendahi Aku.

⁴⁶Oda ngo merlapaten i, enggo lot jelma mengidah Bapa. Ai pellin ia singgo roh bai Dèbata nai ngo kessa sienggo mengidah Bapa i.

⁴⁷Kudokken mo taba kènè, ‘Barang isè percaya taba Aku ia ngo mengerrasai nggelluh siamman-sumendah.’

⁴⁸Aku ngo roti kenggelluhen i.

⁴⁹Mangan manna ngo empung ndènè i kellongoon, tapi matè ngo kalak idi.

⁵⁰Tapi oda ngo bagi ukum roti si susur i sorga nai; barang isè ki- pangan roti idi oda matè nèngè ia.

⁵¹Aku ngo roti sisusur i sorga nai — roti memmer- rèken nggelluh. Barang isè kipangan roti èn, nggelluh mo ia soh mi amman sumendah. Roti sinaing Kuberrèken i, imo dagingKu mahan kenggelluhen jelma sini dunia èn.”

⁵²Gabè petongkah sora mo kalak Jahudi samahsa kemulihken pendokken Jesus i, “Bakunè ngo pemmaing kalak ènda memerrèken dagingNa sipangan?” nina kalak i.

⁵³Nai nina Jesus mo taba kalak i, “Percaya mo kènè mula oda ipangan kènè daging Anak Jelma, janah mula oda iènum kènè darohNa, oda tuhu-tuhu kènè nggelluh.

⁵⁴Barang isè kipangan dagingKu, janah mengènum darohKu, bana ngo kenggelluhen siamman sumendah, janah Kupegelluh ngo ia i Ari Kiamat.

⁵⁵Ai dagingKu ngo pangaan situhunna, janah darohKu ngo ènumen situhunna.

⁵⁶Barang isè kipangan dagingKu janah mengènum darohKu, nggelluh mo ia rebbak dekket Aku, janah Aku ibagasen ia.

⁵⁷Tosè bagè Bapa singgelluh i mengutus Aku, janah Aku nggelluh ibagasen Bapa, bagidi ma mo barang isè kipangan dagingKu nggelluh ibagasen Aku.

⁵⁸Èn ngo pangaan susur i sorga nai; oda bagè pangaan nipangan empung ndènè i. Ai enggo kessa ipangan kalak i pangaan idi, matè ngo kalak i. Tapi barang isè kipangan pangaan ènda, nggelluh mo ia soh mi amman sumendah.”

⁵⁹Karinana i, idokken Jesus sinderrang mengajari Ia i bages perguruun, i Kapernaum.

⁶⁰Mendengkoh karina nidokken Jesus i, mèduk ngo sisinNa mendokken, “Mpihir ngo peddah i, isè mo ndorok mengantusi idi!”

⁶¹Ibettoh Jesus sendiri ngo, ngutnguten sisinNa tersèngèt kata idi. Nai gabè idokken mo taba kalak i, “Mèter kebberraten ngo kènè kumarna kata idi?

⁶²Bakunè nola mo mula idah kènè Anak Jelma balik mi bekkasNa kin?

⁶³Tendi Dèbata ngo simemmaing jelma nggelluh. Oda ngo merguna ukum gegoh jelma. Ukum kata sienggo Kuruapken i taba kènè, kata Tendi Dèbata ngo i janah kata kenggelluhen.

⁶⁴Tapi lot bai ndènè nai oda percaya.” (Enggo kin ngo ibettoh Jesus i mulana nai isè siso percaya bak simenelbuhSa).

⁶⁵Nai nina Jesus nola mo, “Kumarna naidi ngo asa Kudokken taba kènè: Isè poda terbakinSa roh mendahi Aku, ukum oda ipadiat Bapa i.”

⁶⁶Mulai i sidi nai, mèduk ngo sisinNa mennadingkenSa, oda nèngè uè mengèkutken Jesus.

⁶⁷Nai ikusoi Jesus mo sisinNa sisipuluh dua i, “Mada ngo kènè pè naing mennadingken Aku?”

⁶⁸“Tuhan,” nina si Simon Petrus tabaSa, “Mikè mo kami laus? Ai bamu ngo kessa lot kata kenggelluhen.

⁶⁹Enggo percaya janah tok kami bagèndari, Kono ngo simbadia roh bai Dèbata nai.”

⁷⁰Nai nina Jesus mo taba kalak i, “Otang sipuluh dua kènè singgo Kupilih? Tapi tendi jahat ngo sada bai ndènè nai!”

⁷¹Si Judas Iskariot ngo nidokken Jesus i ranana idi. Ai ia ngo sada ipas sisipuluh dua kalak i nai simenelbuh Jesus.