Read Batak Dairi 1 Korintus 3 Bible Online

1 Korintus 3 - Batak Dairi bible

1 Korintus 3

¹Jadi situhunna oda terbakin aku me- ngerrana taba kènè alè dengan, bagè mengerranai dekket sienggo iiani Tendi Dèbata; tapi mengerrana aku bai ndè bagè mi jelma ibagasen perdagingen tanoh èn dèng ngo, tosè mi anak mbara kepercayanna mi Kristus.

²Tikanna i kumamahi dèng ngo kènè bagè anak mbara, oda dèng pangaan biasa, kumarna madèng tertellen kènè pa- ngaan bagidi tikala idi. Salangken bagèndari madèng tertellen kènè.

³Kerna tong dèng ngo kènè nggelluh mengèkutken daging mula lot dèng bai ndènè ncian dekket perselisihen samah kènè; otang tanda-tanda magahken tong dèng ngo kènè merperangè bagè tabiat jelma ni tanoh ènda?

⁴Otang kejelmaan tanoh èn dèng ngo kènè mula lot mendokken sisiin si Paulus aku, barang sisiin si Apolos ngo aku, nina?

⁵Isè ngo pana si Apolos? Isè si Paulus? Pellin naposo Dèbata ngo kami, simenegu-negu kènè asa percaya bai Kristus. Pellin mengulaken sienggo idokken Dèbata men- dahi kami sambing ngo kessa kami.

⁶Aku ngo mennuan janah si Apolos menggaburi, tapi Dèbata ngo ukum memmakin turah.

⁷Jadi si- pentingna imo Dèbata, kerna Ia ngo petturahken. Simennuan bak simenggaburi oda pella pènting!

⁸Dos ngo ukum simennuan dekket simenggaburi; gennep kalak idi menjalo upah rembang mi pengulankenna.

⁹Asa ukum kami imo jelma perkebbas ni Dèbata, janah kènè mo terpecodi bagè juma ni Dèbata. Oda pellin i tupèh, tapi terpecodi ma ngo kènè mi bages Dèbata ma.

¹⁰Merkitè kepandèen nibasa-basaken Dèbata bangku, aku mo bagè sada kalak pandè tukkang sienggo memmahan batu cendi bekkas bages i, janah sidèban pelliasken bages i babo batu cendi idi, kennah lebbèen mo ipemmanat barang bakunè bakinenna memmahan bages idi.

¹¹Ai oda lot nèngè batu cendi sidèban laènken sienggo pajek idi kin, imo Jesus Kristus sienggo itentuken Dèbata.

¹²Asa mula pè ipekkadè i babo batu cendi idi, tah emmas pè, tah pirak, tah batu permatè, tah kayu, tah rih barang pè tah nggala pagè.

¹³Tangkas ngo taridah sinibahanna i, mula enggo kessa roh Kristus mengolihi i ari podi i, ai api pe- ngadilen i ngo memmakinken ntarar karinana nibahanken jelma i, janah api i mo mengoji bak menentuken barang bakunè pengulankenna idi.

¹⁴Mula tahan ngo bages nipajekna idi oda ipangan api, jaloon kalak i mo upahna.

¹⁵Tapi mula melettup ngo nipajekna idi, rogi mo ia, maluah ngo nemmuken ia, tapi tosè bagè siniruah ngo ia ibas api idi nai.

¹⁶Ibettoh kènè ngo: ukum kènè imo Bages Dèbata? Janah Tendi Dèbata merrian ibagasen kènè?

¹⁷Barang isè mencèdai Bages Dèbata, kennah cèdaan Dèbata ngo ia, ai mbadia ngo Bages Dèbata, imo kènè.

¹⁸Ulang lot barang isè mengoto-ngotoi dirina sendiri. Mula lot mengètong dirina mpantas mengèkutken dunia èn, gabè kalak moto mo lebbè ia, asa tuhu gabè pandè.

¹⁹Kerna, ukum i hadeppen Dèbata, kemmotoon ngo kepandèen dunia èn, bagè sitersurat ibas Bibèl, “Itogongi Dèbata ngo kalak sipandè ni dunia èn merkitè kepandènna sendiri.”

²⁰Tersurat dèng ma ngo bagèen, “Ibettoh Tuhan i ngo, oda merguna pikiren kalak sibijak ni tanoh èn.”

²¹Kernana i, ulang mo lot barang isè pè memoji-moji jelma, kerna enggo iberrèken Dèbata karinana mahan milik ndènè.

²²Barang si Paulus pè i, barang si Apolos, barang si Kepas, barang dunia, barang kenggelluhen pè barang kematèen, simasa bagèndèen barang simasa seggen pè, karinana idi milik ndènè ngo.

²³Nai ukum kènè, milik Kristus ngo janah Kristus idi milik Dèbata.