Read Batak Dairi Josua 19 Bible Online

Josua 19 - Batak Dairi bible

Josua 19

¹Perbagien peduaken imo tanoh bai horong-horong marga Simeon. Perbalengen tanoh kalak i masuk soh mi bagasen baleng tanoh milik marga Juda.

²Iberèken ngo bai kalak idi sisipuluh tellu kuta ènda dekket sosor-sosor i sikulilingna: Bersyeba, Syeba, Molada, Hazar-Sual, Bala, Ezem, Eltolad, Betul, Horma, Ziklag, Bet-Hamarkabot, Hazar-Susa, Bet-Lebaot, dekket Saruhen.

⁴

⁵

⁶

⁷Bagi ma dekket kuta siempat ènda dekket sosor sikulilingna: Ain, Rimon, Eter dekket Asan.

⁸Dekket ngo karina sosor silot i sikuliling kuta i soh mi Baalat-Bear daohna (imo Rama) i tanoh kettan Selatan. Idi mo tanoh siniberèken bai horong-horong marga Simeon gabè milik kalak i.

⁹Kumerna mbellangsu ngo tanoh bai marga Juda, gabè iberèken mo dèba ibas tanohna idi nai bai marga Simeon.

¹⁰Perbagien petelluken imo tanoh bai horong-horong marga Zebulon. Perbalengen tanoh siniberèken bai kalak i soh ngo mi Sarid.

¹¹I Sarid nai perbalengen kan kesunduten menuju mi Marala, nai kenna mo Dabeset dekket anak laè sikan kebincaren Jokneam.

¹²Perbalengen kettan kebincaren memungkah i Sarid nai menuju mi perbalengen Khislot-Tabor, terrus mi Dobrat nai menangkeng mi Jafia.

¹³I sidi nai terrus mo perbalengen i mi kebincaren mi Gat-Hefer dekket Et-Kazin, nai merèluk mi arah Nea menuju Rimon.

¹⁴Baleng kettan utara, merèluk mi arah Hanaton janah merpunca i Lembeng Jiftah-El.

¹⁵Ibas tanoh marga Zebulon idi dekket ma ngo: Katat, Nahalal, Simron, Jidala dekket Betlehem. Sipuluh dua kuta mo jahjahen kalak i dekket sosor silot i sikulilingna.

¹⁶Kuta bak sosorna silot ibagasen Aur siniberèken bai horong-horong marga Zebulon i karina gabè tanoh milik kalak i.

¹⁷Perbagien peempatken imo tanoh bai gennep horong i marga Isasar.

¹⁸Simasuk tanoh kalak i imo: Jizreel, Khesulot, Sunem, Hafaraim, Sion, Anaharat,

¹⁹Rabit, Kisyon, Ebes,

²⁰

²¹Remet, En-Ganim, En-Hada, dekket Bet-Pazes.

²²Baleng tanoh kalak i sondel mi Tabor, Sahazima, Bet-Semes, nai merpunca i Laè Jordan. Tanoh kalak i lot ngo sipuluh ennem kuta dekket sosor silot i sikulilingna.

²³Kuta dekket sosorna i merbekkas ngo ibagasen aur tanoh siniberèken bai horong-horong marga Isasar lako gabè tanoh milik kalak i.

²⁴Perbagien pelimaken imo tanoh bai horong-horong marga Asyer.

²⁵Tanoh kalak idi imo: Helkat, Hali, Beten, Akhsaf,

²⁶Alamelekh, Amad, dekket Misal. Baleng tanoh kalak i kettan kesunduten kenna situk Delleng Karmel dekket Laè Libnat.

²⁷I sidi nai merèluk mo baleng kalak i mi kebincaren mi Bet-Dagon nai kenna mo situk perbalengen Zebulon dekket Lembeng Jiftah-El menuju mi utara mi Bet-Emek dekket Nehiel. Nai terrus dèng ngo baleng idi menuju utara mi Kabul,

²⁸Ebron, Rehob, Hamon, dekket Kana, soh mi Sihon daohna.

²⁹I sidi nai merèluk ngo baleng i mi Rama terrus soh mi kuta Tirus, imo sada kuta merbentèng; nai merèluk nola mo baleng idi mi Hosa nai merpunca i Laut Tengah. Ibagasen perbalengen idi enggo dekket Mahalab, Akhzib,

³⁰Uma, Afek, dekket Rehob. Karina tanoh kalak idi lot ngo duapuluh dua kuta ibagasenna rasken dekket sosor silot i sikulilingna.

³¹Kuta dekket sosorna i merbekkas ngo ibagasen aur siniberèken bai horong-horong marga Asyer lako gabè tanoh milik kalak i.

³²Perbagien peenemken imo tanoh bai horong-horong marga Naptali.

³³Baleng tanoh kalak i mulai i Helef nai, soh mi kayu ek i Zaanaim, terrus mi Adami-Nekeb, nai Jabneel, sakat mi Lakum, nai merpunca i Laè Jordan.

³⁴I sidi nai merèluk mo baleng idi mi kesunduten mi Aznot-Tabor, janah i sidi nai mi Hukok. Kettan selatan merbaleng ngo tanoh ènda dekket Zebulon, kettan kesunduten dekket Asyer, janah kettan kebincaren dekket Laè Jordan.

³⁵Kuta simerbentèng imo: Zidim, Zer, Hamat, Rakat, Kineret,

³⁶Adama, Rama, Hazor, Kedes, Edrei, En-Hazor,

³⁷Jiron, Migdal-El, Horem, Bet-Anat, dekket Bet-Semes. Karina tanoh kalak i lot ngo sipuluh sibah kuta dekket sosor silot i sikulilingna.

³⁸

³⁹Kuta dekket sosorna i merbekkas i tanoh siniberèken bai horong-horong marga Naptali lako gabè tanoh milik kalak i.

⁴⁰Perbagien pepituken imo tanoh bai gennep jabu marga Dan.

⁴¹Tanoh kalak ènda imo: Zora, Esytaol, Ir-Semes,

⁴²Saalabin, Ayalon, Jitla,

⁴³Elon, Timna, Ekron, Elteke, Gibeton, Baalat,

⁴⁴Jehud, Beneberak, Gat-Rimon,

⁴⁵

⁴⁶Me-Jarkon, Rakon, janah bagi ma tanoh i sikuliling Jope.

⁴⁷Enggo bennè dèba ladang kalak marga Dan i ladang kalak i dèba, nai laus mo kalak i mi Lesem lako menjuhap kuta i. Ikubu kalak i mo kuta i, ibunuhi mo pengisina, janah iiani mo kuta i. Nai merian mo kalak idi i sidi janah menggancih gerar kuta Lesem idi gabè kuta Dan, mengèkutken gerar empung kalak i.

⁴⁸Karina kuta dekket sosorna idi ibagasen tanoh sini berèken bai gennep jabu marga Dan i ngo gabè milik kalak i.

⁴⁹Enggo kessa pul bangsa Israel memella-mella tanoh i nagerri idi, iberèken kalak i mo dèba tanoh idi bai si Josua anak si Nun mahan tanoh milikna.

⁵⁰Bagè sienggo idokken JAHOWA, iberèken kalak idi mo bana kuta sinipengidona imo: Timnat-Serah i uruk Efraim. Ipelias si Josua mo kuta idi balik, nai merian i sidi mo ia.

⁵¹Bagidi mo Imam Eleazar, si Josua anak si Nun dekket karina huntuen merhorong-horong marga-marga bangsa Israel memella-mella tanoh i nagerri idi merkitè undi lako mengido peddah bai JAHOWA nai. I Silo ngo ibahanken kalak idi i hadeppen pèntu Undung-undung JAHOWA. Pul mo tanoh i ipella kalak i.