Read Batak Dairi Josua 3 Bible Online

Josua 3 - Batak Dairi bible

Josua 3

¹Sibarembenkenna, njengkas kalohon dèng ndungo mo si Josua dekket karina bangsa Israel, itadingken mo bekkas perundung-undungen kalak idi i Sitim, janah laus mi Laè Jordan. I sidi mo kalak i merundung-undung ninganna memèma katikana lako suberrang.

²Enggo kessa lampo tellu ari, ikulilingi pengulu-pengulu mo karina per- undung-undungen i,

³janah iperèntahken bai bangsa Israel, “Mula idah kènè kessa imam-imam mengosong Pèti Perpadanen JAHOWA Dèbata ndènè, kennah tadingken kènè ma mo bekkas perundung-undungen ènda. Ekutken kènè mo Pèti i,

⁴tapi ulang njolmitsu kènè merdalan mi Pèti i; èkutken kènè mo i podi nai sada batu kellang-kellangna. Merkitè bagi bettohen ndènè mo dalan sipatut dalanen ndènè, kumarna oda nung dèng kènè mi ladang èn.”

⁵Idokken si Josua mo taba bangsa Israel, “Uras kènè mo diri ndènè, kumerna naing ibaing JAHOWA baremben kelengangen i tengah-tengah ndènè.”

⁶Nai idokken si Josua mo imam-imam mendokong Pèti Perpa- danen i janah berkat mo mengelebbèi bangsa Israel. Iulaken kalak i mo perèntah si Josua i.

⁷Nina JAHOWA mo taba si Josua, “Mulai ari sidari èn nai Kubaing mo kono gabè kalak mbelgah gabè karina kalak Israel pesangapken kono janah satdar magahken Kudengani ngo kono bagè pendenganingKu bai si Musa.

⁸Bagèndari pè dokken mo taba imam-imam simerosong Pèti Perpadanen idi asa soh kessa kalak i mi laè, masuk mo kalak i mi bagasen laè i janah cènder i bidingna.”

⁹Nai idiloi si Josua mo kalak Israel, janah idokken mo, “Roh mo kè dengkohken kènè mo kadè siniperèntahken JAHOWA Dèbata ndènè taba kènè.

¹⁰Mula merdalan kessa kènè nahan mi lebbè, pasti ipelaus JAHOWA mo kalak Kanaan, Het, Hewi, Feris, Girgasi, Amori dekket Jebus. Janah sinderrangna suberrang Pèti Perpadanen JAHOWA i laè Jordan mengelebbèi kènè, idahen ndènè mo Dèbata singgelluh i merian i tengah-tengah ndènè.

¹²Bagèndari pè kennah pilih kènè mo sipuluh dua kalak — sada kalak i gennep marga Israel nai.

¹³Enggo kessa nahan itingkahken imam-imam simerosong Pèti Perpadanen JAHOWA nènèhna mi bagasen laè Jordan i, kom mo laè idi; tersennak mo laè simarir i julu nai i bas sada bekkas.”

¹⁴Tupung ngo katika idi mosin peranien, janah mengèkutken ncemmalna mengeraja ngo Laè Jordan. Tikan itadingken kalak Israel perundung-undungen kalak i lako meneberangi Laè Jordan, merdalan mo lebbèen imam-imam ninganna merembah Pèti Perpadanen. Janah sinderrang itingkahken imam-imam idi nènèhna mi bagasen laè Jordan,

¹⁶karangkenna i mèter nong mo laè i oda nè menjarir. Ndaoh tan takal laè i, nong mo laè idi i Adam, imo sada kuta pekèpar-kèpar dekket kuta Sartan. Marsak mo laè simarir mi Laut Matè, gabè ndorok mo bangsa Israel suberrang arap babo tanoh ngkerrah tèngkenenken kuta Jeriko. Dak cènder ngo imam-imam simerosong Pèti Perpadanen idi i tengah-tengah baruren laè i soh karina bangsa Israel sakat mi kèpar.