Read Batak Karo KEJADIN 36 Bible Online

KEJADIN 36 - Batak Karo bible

KEJADIN 36

¹Enda me kesusuren Esau, si igelari pe Edom.

²Esau erjabu ras diberu-diberu kalak Kanaan e me kap Ada anak Elon kalak Heti, Oholibama e me anak Anah. Anah e me kap anak Sibeon kalak Hewi; [100†]

³Basmat anak Ismael dingen turang Nebayot. [101†]

⁴Ipupus Ada si Elipas, ipupus Basmat Rehuel.

⁵Ipupus Oholibama si Jeus, Jalam, Korah. Kerina anak dilaki si Esau enda tubuh i taneh Kanaan.

⁶Dungna ibaba Esau kerina ndeharana, anakna si dilaki ras si diberu, jelma si i bas rumahna, lembu ras kerina erta si idatca i taneh Kanaan, lawes ia nadingken seninana Jakup ku taneh si deban.

⁷Itadingkenna ingan e, erkiteken taneh e kurang belang man ingan kalak enda duana, melalasa lembuna, e maka lanai banci ia ras i je.

⁸E maka Esau ringan i deleng Edom.

⁹Enda me kesusuren Esau nini kalak Edom.

¹⁰[10-13] Sekalak i bas ndehara Esau, si tergelar Ada, ipupusna sekalak anak dilaki, gelarna Elipas. Anak Elipas lit lima dilaki: Teman, Omar, Sepo, Gatam ras Kenas. I bas ndeharana si deban si tergelar Timna, lit ka i je sekalak anakna dilaki e me kap Amalek gelarna. Ndehara Esau si tergelar Basmat, ipupusna sekalak anak dilaki gelarna Rehuel. Anak Rehuel lit empat dilaki e me kap: Nahat, Serah, Sammah, Misa.

¹⁴Ndehara Esau si tergelar Oholibama, ipupusna telu anak dilaki, e me kap: Jeus, Jalam, Korah. Oholibama e me kap anak si Anah dingen kempu Sibeon.

¹⁵Enda me suku kesusuren Esau. Anakna sintua Elipas jadi nini bangsa Teman, Omar, Sepo, Kenas,

¹⁶Korah, Gatam, ras Amalek; e me kerina kesusuren ndehara Esau si tergelar Ada.

¹⁷Rehuel anak Esau e me kap nini bangsa Nahat, Serah, Sammah ras Misa. Enda me kesusuren Esau arah ndeharana si tergelar Basmat.

¹⁸Seterusna suku bangsa enda me kesusuren Esau arah ndeharana Oholibama anak si Anah: Jeus, Jalam, Korah.

¹⁹Kerina e kesusuren i bas Esau nari.

²⁰ [20-21] Penduduk asli tanah e, e me kap suku-suku bangsa kesusuren Seir kalak Hori, e me kap: suku bangsa Lotan, Sobal, Sibeon, Anah, Dison, Eser, Disan.

²²Lotan e me kap nini suku Hori ras Heman. (Lit sada turang si Lotan, gelarna Timna.)

²³Sobal e me kap nini suku Alwan, Manahat, Ebal, Sepo ras Onam.

²⁴Lit dua anak Sibeon dilaki e me kap Aya ras Anah. (Anah kap ndatken ulu lau melas i taneh si melungun sanga ia ermakan kelede bapana.)

²⁵[25-26] Anah e me kap bapa Dison. Ia me jadi nini suku-suku Hemdan, Esban, Jitran, ras Keran. Lit kang anak Anah diberu e me kap Oholibama gelarna.

²⁷Eser e me kap nini suku Bilhan, Saawan, ras Akan.

²⁸Disan e me kap nini suku Us ras Aran.

²⁹ [29-30] Enda me suku-suku bangsa Hori i taneh Edom, e me kap: Lotan, Sobal, Sibeon, Anah, Dison, Eser, ras Disan.

³¹ [31-39] Ope denga lit raja i Israel, raja-raja enda me erganti-ganti erkuasa i taneh Edom: Bela anak Beor i Dinhaba nari. Jobap anak Serah i Bosrah nari. Husam i daerah Teman nari. Hadad anak Bedad i Awit nari. (Ia me si naluken kalak Midian i bas sada perang i negeri Moap.) Samla i Masreka nari. Saul i Rehobot i tepi lau nari. Baal Hanan anak si Akbor. Hadad i Pau nari. (Ndeharana e me kap Mehetabel anak si Matret dingen kempu si Mesahap.)

⁴⁰ [40-43] Esau e me kap nini suku bangsa Edom, si tersurat i teruh enda: e me kap Timna, Alwa, Jetet, Oholibama, Ela, Pinon, Kenas, Teman, Mibsar, Magdiel ras Iram. Gelar daerah si iani tep-tep suku, seri ras gelar suku si ngianisa.