Read Batak Karo KEJADIN 5 Bible Online

KEJADIN 5 - Batak Karo bible

KEJADIN 5

¹I jenda isuratken gelar-gelar sinursur Adam. [Sanga ijadiken Dibata manusia, ijadikenNa manusia e bagi tempasNa. [19†]

²IjadikenNa jelma dilaki ras diberu, ipasu-pasuNa, ibahanNa gelarna “Manusia”.] [20†]

³Tupung umur Adam 130 tahun tubuh anakna dilaki, tempasna seri ras ia, janah ibahanna gelarna Set.

⁴Kenca tubuh Set, 800 tahun nari dekahna Adam nggeluh, janah ipupusna denga tole anakna dilaki ras diberu.

⁵Jadi i bas umur 930 mate ia.

⁶Tupung umur Set 105 tahun, tubuh anakna Enos.

⁷Kenca tubuh Enos, 807 tahun nari ia nggeluh, janah ipupusna denga tole anak dilaki ras diberu.

⁸Jadi i bas umur 912 tahun mate ia.

⁹Tupung umur Enos 90 tahun, tubuh anakna dilaki, Kenan gelarna.

¹⁰Jenari 815 tahun nari ia nggeluh janah ipupusna denga tole anak dilaki ras diberu.

¹¹Jadi i bas umur 905 tahun mate ia.

¹²Tupung umur Kenan 70 tahun, tubuh anakna dilaki, Mahalalel gelarna.

¹³Jenari 840 tahun nari ia nggeluh janah ipupusna denga tole anak dilaki ras diberu.

¹⁴Jadi i bas umur 910 tahun mate ia.

¹⁵Tupung umur Mahalalel 65 tahun, tubuh anakna dilaki, Jaret gelarna.

¹⁶Jenari 830 tahun nari ia nggeluh, janah ipupusna denga tole anak dilaki ras diberu.

¹⁷Jadi i bas umur 895 tahun mate ia.

¹⁸Tupung umur Jaret 162 tahun tubuh anakna dilaki, Enoh gelarna.

¹⁹Jenari nggeluh ia 800 tahun nari, janah ipupusna denga tole anak dilaki ras anak diberu.

²⁰Jadi i bas umur 962 tahun mate ia.

²¹Tupung umur Enoh 65 tahun, tubuh anakna dilaki, Metusalah gelarna.

²²Kenca tubuh Metusalah, Enoh nggeluh i bas persadan ras Dibata 300 tahun dekahna, janah ipupusna denga tole anak dilaki ras diberu.

²³Jadi ia nggeluh 365 tahun dekahna.

²⁴Kidekah geluhna tetap ia erdalan i bas dalan Dibata, tapi dungna lanai ia teridah perbahan iangkat Dibata ia. [21†]

²⁵Tupung umur Metusalah 187 tahun tubuh anakna dilaki, Lameh gelarna.

²⁶Jenari nggeluh ia 782 tahun nari, janah ipupusna denga tole anak dilaki ras diberu.

²⁷Jadi i bas umur 969 tahun mate ia.

²⁸Tupung umur Lameh 182 tahun tubuh anakna dilaki,

²⁹janah nina, “Anak enda me si mereken kemalemen ate man banta i bas kelatihenta erdahin ngusahai taneh si enggo isumpahi TUHAN.” E maka ibahanna gelar anak ndai Nuah!

³⁰Jenari lit 595 tahun nari Lameh nggeluh, janah ipupusna denga tole anak dilaki ras diberu.

³¹Jadi i bas umur 777 tahun mate ia.

³²Tupung umur Nuah 500 tahun enggo ipupusna telu anak dilaki e me kap: Sem, Ham, ras Japet.