Read Batak Karo 1 KRONIKA 11 Bible Online

1 KRONIKA 11 - Batak Karo bible

1 KRONIKA 11

¹Kerina bangsa Israel lawes ku Hebron ndahi Daud jenari nina man bana, “Kami dareh dagingndu kap.

²I bas paksa si enggo lepas aminna pe Saul denga jadi raja kami, kam nge si minpin bangsa Israel i bas peperangen, janah TUHAN Dibatandu erpadan maka kam me si minpin bangsaNa ras jadi raja man bangsa e.”

³E maka kerina peminpin-peminpin Israel reh ndahi Raja Daud i Hebron. Ibahan Daud sada perpadanen i lebe-lebe TUHAN ras bangsa e, janah itangkuhken bangsa e ia alu namaken minak ku takalna, e maka Daud jadi raja Israel, sue ras si enggo ipadanken TUHAN arah Samuel.

⁴Kenca bage berkat me Raja Daud ras kerina bangsa Israel ku Jerusalem, merangi kuta e. Tupung e Jerusalem igelari Jebusi, janah bangsa Jebusi, penduduk asli negeri e, tading denga i je. [12†]

⁵Nina kalak Jebusi man Daud maka la ndigan pe terbengketi Daud kuta e. Tapi idat Daud benteng kalak ndai, Sion gelarna, janah benteng e dungna i gelari “Kuta Daud”.

⁶Nina Daud, “Kalak si pemena munuh bangsa Jebusi ia jadi puanglima!” Joap, nandena Seruya, minpin serangen, e maka ia jadi puanglima.

⁷Erkiteken Daud lawes ringan i bas benteng e, e maka dungna igelari “Kuta Daud”.

⁸Ibangunna mulihi kuta e menaken i bas ingan si itambusi alu taneh arah Timur uruk e, jenari selebihna Joap si pekenasa mulihken.

⁹Kuasa Daud lalap ertambah-tambah, sebab TUHAN si Mada Kuasa kap ras ia.

¹⁰Enda me daftar tentera Daud si terberita. Radu ras bangsa Israel si deban, tentera e nampati Daud gelah jadi raja. Sue ras si enggo ipadanken TUHAN, ijaga kalak enda maka kerajan Daud tetap megegeh.

¹¹Si pemena e me Jasobeam i bas terpuk Hakmon nari; ia me peminpin “Si Telu”. Alu make lembingna ilawanna telu ratus kalak janah ibunuhna si telu ratus kalak e i bas sada peperangen.

¹²Kalak si terberita i bas “Si Telu” e, Eleasar anak Dodo, i bas terpuk Ahoh nari.

¹³Erperang ia arah pihak Daud ngelawan bangsa Pilisti i peperangen i Pas Dammim. Eleasar sanga i bas juma dawa tupung bangsa Israel mulai kiam.

¹⁴E maka ia ras teman-temanna ertahan i tengah juma e, jenari ilawanna bangsa Pilisti. Ibereken TUHAN man bana kemenangen si mbelin.

¹⁵I bas sada wari, telu i bas kepala tentera si telu puluh e lawes ku batu mbelin, deherken gua Adulam, ingan Daud tading, sedangken gerombolen bangsa Pilisti enggo erkemah i Baluren Repaim.

¹⁶Paksa e Daud sanga i benteng uruk-uruk, janah sada terpuk bangsa Pilisti enggo ngkuasai Betlehem.

¹⁷Metedeh kal ate Daud kutana, e maka nina, “Merincuh kal aku sekalak maba lau i bas sumur i pintu gerbang Betlehem nari!”

¹⁸E maka teluna tentera si terberita ndai erpala-pala ngepari kemah bangsa Pilisti e, itimbana lau i bas sumur e nari, jenari ibabana mulih man Daud. Tapi la nggit Daud minem lau e, iamburkenna jadi persembahen man TUHAN,

¹⁹nina, “Asa ndigan pe la aku nggit nginemsa, sabap seri kap e ras minem dareh kalak si ngasamken kesahna muat lau e!” E maka la ia nggit nginemsa. E me kinirawan teluna tentera si terberita e.

²⁰Senina Joap, si Abisai, peminpin “Si Mbisa Telu Puluh”. Ia erperang alu lembing ngelawan telu ratus kalak janah ibunuhna kerina, e maka ia jadi terberita i bas “Si Telu puluh”.

²¹Ia si terberitana i bas “Si Telu puluh” e, e maka ia jadi peminpinna; tapi la bagi “Si Telu” e kal ia terberitana.

²²Benaya anak Joyada i Kapsel nari sekalak tentera si terberita; piga-piga kali teridah kinirawanna, termasuk munuh dua puanglima kalak Moap. Pernah sekali lawes ia ku bas lubang si mbages sangana nusur es, janah ibunuhna sada singa.

²³Ibunuh pe sekalak bangsa Mesir, sekalak si mbestang, gedangna lebih dua meter, ersenjataken lembing si seh kal galangna. Benaya ngelawan bangsa Mesir e alu ciken, isintapkenna lembing kalak Mesir e i bas tanna nari, jenari ibunuhna kalak Mesir alu lembing e ka.

²⁴E me kinirawan Benaya. Ia sekalak i bas “Si Telu Puluh”.

²⁵Ia si terhormatna i bas “Si Telu Puluh” e, tapi terberitan denga “Si Telu” e asang ia. Itamaken Daud ia jadi kepala pengawal pribadina.

²⁶ [26-47] Enda me tentera si deban si terberita; Asahel, senina Joap Elhanan, anak Dodo i Betlehem nari Samot, i Harot nari Heles, i Pelet nari Ira, anak Ikes i Tekoa nari Abieser, i Anatot nari Sibekai, i Husa nari Ilai, i Aho nari Maharai, i Netopa nari Heled, anak Baana i Netopa nari Itai, anak Ribai i Gibea i daerah Benyamin nari Benaya, i Piraton nari Hurai, i baluren deher Gaas nari Abiel, i Arba nari Asmawet, i Baharum nari Eliaba, i Salbon nari Hasem, i Gison nari Jonatan, anak Sage i Haran nari Ahiam, anak Sakar i Haran nari Elipal, anak Ur Heper, i Mekerah nari Ahija, i Pelon nari Hesro, i Karmel nari Naari, anak Esbai Joel, senina Natan Mibar, anak Hagri Selek, i Amon nari Naharai, si engkanting baju-besi Joap, i Berot nari Ira ras Garep, i Jatir nari Uria kalak Heti e Saba(...)