Read Batak Karo 1 KRONIKA 2 Bible Online

1 KRONIKA 2 - Batak Karo bible

1 KRONIKA 2

¹Jakup mupus sepuluh dua kalak anakna dilaki, e me: Ruben, Simon, Lewi, Juda, Isakar, Sebulon,

²Dan, Jusup, Benyamin, Naptali, Gat, Aser.

³Anak Juda dilaki lit lima kalak kerina. I bas ndeharana Batsua, e me sekalak bangsa Kanaan, lit telu anakna dilaki: Er, Onan, ras Sela. Anakna sintua Er, seh jahatna, e maka ibunuh TUHAN ia.

⁴I bas permainna Tamar, lit dua nari anak Juda dilaki, e me Peres ras Sera.

⁵Peres mupus dua kalak anakna dilaki, e me Hesron ras Hamul.

⁶Seninana Sera lit lima kalak anakna dilaki e me: Simri, Etan, Heman, Kalkol ras Darda.

⁷Akan anak Karmi, sekalak i bas kesusuren Sera, maba mara man bangsa Israel alu muniken barang rampasen si enggo ipersembahken man Dibata. [1†]

⁸Etan mupus sekalak anakna dilaki e me Azaria.

⁹Hesron mupus telu kalak anakna dilaki, e me Jerahmeel, Ram ras Kalep.

¹⁰Enda me sinursur keluarga e i bas Ram nari seh Isai: Ram, Aminadap, Nahson (sekalak dilaki i bas suku Juda nari si terberita),

¹¹Salmon, Boas,

¹²Obet ras Isai.

¹³Isai mupus pitu kalak anakna dilaki. Menaken i bas sintua nari ku si nguda: Eliap, Abinadap, Sammah,

¹⁴Natanael, Radai,

¹⁵Osem ras Daud.

¹⁶Turang kalak enda lit dua kalak, e me Seruya ras Abigail. Seruya mupus telu kalak anakna dilaki, e me: Abisai, Joap, ras Asahel.

¹⁷Anakna si deban Abigail sereh man Jeter, sekalak kesusuren Ismael, janah anak kalak enda lit sekalak dilaki, Amasa gelarna.

¹⁸Anak Kalep si dilaki Hesron ngempoi Asuba jenari ipupusna sekalak anak diberu Jeriot gelarna. Jeriot lit telu kalak anakna dilaki, e me: Jeser, Sobap, ras Ardon.

¹⁹Kenca kematen Asubah, iempoi Kalep si Eprat, jenari lit sekalak anakna dilaki Hur gelarna.

²⁰Anak Hur e me Uri, anak Uri e me Besalel.

²¹Sanga umur Hesron enem puluh tahun, iempoina anak Mahir, turang Gileat. Ipupusna sekalak anak dilaki Segup gelarna,

²²janah anak Segup lit sekalak dilaki, Jair gelarna. Jair merentah dua puluh telu kuta i daerah Gileat.

²³Tapi kerajan Gesur ras Aram ngerebut enem puluh kuta i je, subuk kuta Jair ras Kenat ras kuta-kuta si pedeher ras. Kerina bangsa-bangsa si tading i je, e me kesusuren Mahir bapa Gileat.

²⁴Kenca Hesron enggo mate, anakna Kalep ngempoi Eprat, janda bapana. Ipupusna sekalak anak dilaki, Ashur gelarna. Ashur me si manteki kuta Tekoa.

²⁵Jerahmeel, e me anak Hesron sintua, mupus lima anak dilaki e me: Ram sintua, Bunah, Oren, Osem, ras Ahia.

²⁶[26-27] Ram mupus telu kalak anak dilaki: Maas, Jamin, ras Eker. Lit sekalak ndehara Jerahmeel si deban, Atara gelarna. I je lit sekalak anakna dilaki, e me Onam.

²⁷

²⁸Onam mupus dua kalak anak dilaki, e me Samai ras Jada, janah Samai pe lit dua anakna dilaki, e me: Nadap ras Abisur.

²⁹Abisur ngempoi sekalak diberu, Abihail gelarna, jenari ipupusna dua kalak dilaki, e me Ahban ras Molid.

³⁰Nadap senina Abisur lit dua kalak anakna dilaki, e me Seled ras Apaim; tapi Seled mate la lit sada pe pupusna dilaki.

³¹Apaim e me bapa Isi; Isi e me bapa Sesan, janah Sesan e me bapa Ahlai.

³²Jada, senina Samai, mupus dua kalak anak dilaki, e me Jeter ras Jonatan, tapi Jeter mate la lit sada pe pupusna dilaki.

³³Jonatan mupus dua kalak anakna dilaki, Pelet ras Sasa. Enda me kerina kesusuren Jerahmeel.

³⁴Sesan la lit anakna dilaki; diberu ngenca. Lit sekalak suruh-suruhenna bangsa Mesir, Jarha gelarna.

³⁵Man Jarha me iserahkenna sekalak anakna diberu. Lit sekalak anakna dilaki e me Attai.

³⁶Kesusuren Attai seh ku Elisama e me: Attai, Natan, Sabad,

⁴¹Jekamiah ras Elisama.

⁴²Anak Kalep si deban, senina Jerahmeel, Mesa gelarna. Mesa e me bapa Sip; Sip e me bapa Maresa. Maresa e me bapa Hebron.

⁴³Lit empat anak Hebron dilaki, e me Korah, Tapua, Rekem, ras Sema,

⁴⁴Sema e me bapa Raham nini bulang Jorkeam. Rekem senina Sema, e me bapa Samai.

⁴⁵Samai e me bapa Maon; Maon e me bapa Betsur.

⁴⁶Lit sekalak gundik Kalep, Epah gelarna. I je lit telu nari ipupusna anak dilaki e me: Haran, Mosa, ras Gases. Haran pe lit sekalak anakna dilaki Gases gelarna. (

⁴⁷Sekalak dilaki, Jadai gelarna, lit enem kalak anakna dilaki: Regem, Jotam, Gesan, Pelet, Epa, ras Saap.)

⁴⁸Gundik Kalep si deban Maaka gelarna. I je ipupusna dua kalak anak dilaki, e me Seber ras Tirhana.

⁴⁹I bas wari si rehna ipupus Maaka denga ka dua kalak anak dilaki: Saap, si manteki kuta Madmanah; ras Sewa, manteki kuta Mahbenah ras Gibea. Tambah si e lit sekalak anak Kalep diberu, Aksa gelarna.

⁵⁰Si tersena arah teruh enda pe kesusuren Kalep: Hur e me anak Kalep sintua i bas ndeharana Eprat. Anak Hur si dilaki, Sabal gelarna, ia si manteki Kiryat Jearim.

⁵¹Anakna si peduaken dilaki si tergelar Salma, ia me si manteki kuta Betlehem. Janah anakna si peteluken, Harep gelarna, ia me si manteki Betgader.

⁵²Sobal, si manteki kuta Kiryat Jearim, e me nini bangsa Haroe, setengah penduduk Menuhot,

⁵³ras terpuk-terpuk si tading i Kiryat Jearim bagi si tersena arah teruh enda: kalak Jetri, Puti, Sumati, ras Misrait. (Penduduk kuta-kuta Sora ras Estaol e me anggota terpuk-terpuk enda.)

⁵⁴Salma, si manteki Betlehem, e me nini man bangsa Netopat, Atrot Bet Joap, ras bangsa Sori; bangsa Sori e me sada i bas dua terpuk Manahat nari. (

⁵⁵Si tersena arah teruh enda e me terpuk-terpuk si pentar i bas nuratken ras nalin surat-surat penting; kalak Tirati, Simeati, ras Sukati. Ia ringan i kuta Jabes. Kalak enda me bangsa Keni si enggo erjabu ras kalak Rehap.)