Read Batak Karo 1 KRONIKA 24 Bible Online

1 KRONIKA 24 - Batak Karo bible

1 KRONIKA 24

¹Enda me terpuk-terpuk kesusuren Harun. Harun mupus empat anak dilaki e me: Nadap, Abihu, Eleasar, ras Itamar.

²Nadap ras Abihu leben mate asangken bapana janah la lit itadingkenna kesusurenna, e maka seninana Eleasar ras Itamar jadi Imam. [34†]

³Iatur Raja Daud kesusuren Harun i bas terpuk-terpuk rikutken pendahinna. I bas si e ia isampati Sadok kesusuren Eleasar ras Ahimelek kesusuren Itamar.

⁴Kesusuren Eleasar iatur i bas sepuluh enem terpuk sedangken kesusuren Itamar iatur i bas waluh terpuk; enda ibahan perbahan lalan peminpin keluarga dilaki i tengah-tengah keluarga Eleasar.

⁵I bas paksa si e subuk pegawai Rumah Pertoton bage pe peminpin pertendin i bas keluarga Eleasar ras Itamar nari, itetapken alu erbahan tikam tanduk.

⁶Kesusuren Eleasar ras Itamar isuratken mulihken gelarna. Jenari kalak enda idaftarken Semaya anak si Netanel. Semaya e sekalak sekretaris i bas suku Lewi nari. Si jadi saksina e me raja, pegawai-pegawaina, Imam Sadok, Ahimelek anak si Abiatar ras kepala-kepala keluarga imam bage pe keluarga suku Lewi.

⁷[7-18] Enda me susunen terpuk-terpuk si dua puluh empat keluarga si enggo itetapken kalak enda: 1. Joyarip 2. Jedaya 3. Harim 4. Seorim 5. Malhijah 6. Miyamin 7. Hakos 8. Abiya 9. Jesua 10. Sekania 11. Eliasip 12. Jakim 13. Hupa 14. Jesebeap 15. Bilga 16. Immer 17. Hesir 18. Hapises 19. Petahiya 20. Jeheskel 21. Jakin 22. Gamul 23. Delaya 24. Maasia

¹⁹Enda isuratken rikutken pendahinna i Rumah Pertoton ras pendahin si enggo itetapken ninina Harun i bas kepatuhen man perentah TUHAN Dibata Israel.

²⁰Enda me kepala-kepala keluarga kesusuren Lewi si deban: Jehdaya, kesusuren Amram arah Sebuel;

²¹Isiah, kesusuren Rehabia;

²²Jahat, kesusuren Ishar arah Selomit;

²³Jeria, Amaria, Jehasiel ras Jekameam. Enda kerina anak si dilaki i bas Hebron menaken i bas si nguda nari kempak sintua.

²⁴Samir, kesusuren Usiel arah Miha.

²⁵Sekaria kesusuren Usiel arah Isiah, senina si Miha.

²⁶Mahli, Musi, ras Jaasia kesusuren Merari.

²⁷Jaasia mupus telu anak dilaki: Soham, Sakur, ras Ibri.

²⁸ [28-29] Mahli mupus dua anak dilaki: Eleasar ras Kis. Eleasar la mupus anak dilaki; tapi Kis mupus sekalak anak dilaki gelarna Jerahmeel.

³⁰Musi lit telu anakna dilaki e me: Mahli, Eder, ras Jeremot. Enda me keluarga-keluarga suku Lewi.

³¹Bali ras si enggo ibahan keluarga e kesusuren Harun, maka tiap kepala keluarga ras sekalak agina si dilaki ibahan tikam tanduk guna pendahinna. Raja Daud, Sadok, Ahimelek, ras kepala keluarga imam ras suku Lewi e me si jadi saksina.