Read Batak Karo 1 KRONIKA 6 Bible Online

1 KRONIKA 6 - Batak Karo bible

1 KRONIKA 6

¹Lewi mupus telu kalak anak dilaki, e me: Gerson, Kohat, ras Merari.

²Kohat lit empat kalak anakna dilaki, e me: Amram, Ishar, Hebron ras Usiel.

³Amran mupus dua kalak anak dilaki, e me: Harun, Musa ras sekalak diberu, e me Miriam. Harun mupus empat kalak anakna dilaki, e me: Nadap, Abihu, Eleasar ras Itamar.

⁴Enda me kesusuren Eleasar i bas kesusuren ku kesusuren Abisua,

⁵Bukki, Ussi,

⁶Seraya, Serahiya, Merayot,

⁷Amaria, Ahitup,

⁸Sadok, Ahimas,

⁹Asaria, Johanan,

¹⁰Asaria (ia me si erdahin i bas Rumah Pertoton si ipajekken Raja Salomo i Jerusalem),

¹⁵Raja Nebukadnesar, ipelepas TUHAN mbuang Josadak radu ras kalak Juda si deban bage pe anak kuta Jerusalem ku pembuangen.

¹⁶Lewi mupus telu kalak anak dilaki, e me: Gerson, Kohat ras Merari. [9†]

¹⁷Sekalak-sekalak lit pupusna dilaki. Pupus Gerson e me Lipni ras Simei.

¹⁸Pupus Kohat e me Amram, Isar, Hebron, ras Usiel;

¹⁹janah pupus Merari e me Mahli ras Musi.

²⁰Enda me sinursur Gerson i bas kesusuren ku kesusuren: Lipni, Jahat, Sima,

²¹Joah, Ido, Sera, Jeaterai.

²²Enda me sinursur Kohat i bas kesusuren ku kesusuren: Aminadap, Korah, Asir,

²³Elkana, Ebiasap, Asir,

²⁴Tahat, Uriel, Usia, Saul.

²⁵Elkana mupus dua kalak anak dilaki e me Amasai ras Ahimet.

²⁶Enda me kesusuren Ahimet i bas sinursur ku sinursur: Elkana, Sopai, Nahat,

²⁷Eliap, Jeroham, Elkana.

²⁸Samuel lit dua anakna dilaki: Joel sintua, ras Abia si nguda.

²⁹Enda me kesusuren Merari i bas sinursur ku sinursur: Mahli, Lipni, Simei, Usa,

³⁰Simea, Hagai, Asaya.

³¹Enda me kalak si itugasken Raja Daud ngaturken musik i bas ingan persembahen i Jerusalem kenca Peti Perpadanen ipindahken ku je.

³²Kalak enda alu ratur pegancih-gancih ndalanken tugasna i bas Kemah Perjumpan ope denga Raja Salomo majekken Rumah Pertoton.

³³Kesusuren kalak si ncikep jabaten e, e me bagi si tersena arah teruh enda. Terpuk Kohat: Heman anak Joel, peminpin kor si pemena. Terombona, mulai i bas ia nari seh ku nini-ninina Jakup, e me: Heman, Joel, Samuel,

³⁴Elkana, Jeroham, Eliel, Toah,

³⁵Sup, Elkana, Mahat, Amasai,

³⁶Elkana, Joel, Asaria, Sepanya,

³⁷Tahat, Asir, Ebiasap, Korah,

³⁸Ishar, Kohat, Lewi, Jakup.

³⁹Asap e me peminpin kor si peduaken. Terombona, mulai i bas ia nari seh ku nini-ninina Lewi, e me: Asap, Berekia, Simea,

⁴⁰Mikael, Baaseya, Malkiya,

⁴¹Etni, Serah, Adaya,

⁴²Etan, Simma, Simei,

⁴³Jahat, Gerson, Lewi.

⁴⁴Etan i bas terpuk Merari nari e me peminpin kor si peteluken. Terombona, mulai i bas ia nari seh ku nini-nini Lewi, e me: Etan, Kisi, Abdi, Maluk,

⁴⁵Hasabia, Amasia, Hilkia,

⁴⁶Amsi, Bani, Semer,

⁴⁷Mahli, Musi, Merari, Lewi.

⁴⁸Temanna kalak Lewi si debanna, iendesken ndalanken kerina tugas-tugas si deban i bas ingan kebaktin.

⁴⁹Tugas Harun ras kesusurenna e me mpersembahken persembahen si merim-merim ras persembahen gelehen si itutung i babo batar-batar. Kalak enda ertanggung jawab kerna kerina kebaktin i bas Ingan si Badiana kal bage pe kerna persembahen pengalemi dosa. Si enda ilakoken kalak enda sue ras si iperentahken Musa, suruh-suruhen Dibata.

⁵⁰Enda me terombo Harun: Eleasar, Pinehas, Abisua,

⁵¹Bukki, Ussi, Serahia,

⁵²Merayot, Amaria, Ahitup,

⁵³Sadok, Ahimas.

⁵⁴Enda me daerah si ibereken man kesusuren Harun i bas terpuk Kohat nari. Kalak enda me si ngaloken bagin si pemena taneh si ibagiken man suku Lewi.

⁵⁵Enda subuk Hebron i bas daerah Juda ras mbalmbal i sekelewetna.

⁵⁶Amin bage gia, kuta-kuta ras mbalmbal si subuk jadi daerah kuta iendesken man Kalep anak Jepune.

⁵⁷[57-59] Enda me kuta-kuta si ibagiken man kesusuren Harun: Hebron, sada kuta ingan perlindungen, Jatir, ras kuta-kuta Lipna, Estemoa, Hilen, Debir, Asan, ras Bet Semes rikut ras mbalmbalna.

⁵⁸

⁵⁹

⁶⁰I bas daerah Benyamin man kalak enda iendesken kuta-kuta ras mbalmbalna, bagi si tersena arah teruh enda: Geba, Alemet, Anatot. Alu bage buena kuta man ingan kalak enda tading ras keluargana lit sepuluh telu kuta.

⁶¹Sepuluh kuta i bas daerah Manase Barat iendesken alu tikam tanduk man terpuk Kohat si debanna rikutken keluarga-keluargana.

⁶²Man terpuk Gerson, rikut keluarga-keluargana, iendesken kalak enda sepuluh telu kuta i daerah Isakar, Aser, Naptali, ras Manase Timur i Basan.

⁶³Alu cara si seri sepuluh dua kuta i daerah Ruben, Gat, ras Sebulon iendesken man terpuk Merari, rikutken keluarga-keluargana.

⁶⁴Alu bage bangsa Israel ngendesken kuta-kuta man ingan tading suku Lewi radu ras mbalmbal i sekelewet kuta-kuta e. (

⁶⁵Kuta-kuta i daerah Juda, Simeon, ras Benyamin si tersinget i das, e pe ibagi alu erbahan tikam tanduk.)

⁶⁶Piga-piga keluarga i bas terpuk Kohat dat bagin kuta ras mbalmbal i bas daerah Eperaim, e me:

⁶⁷Sikem, kuta perlindungen i deleng-deleng Eperaim, Geser,

⁶⁸Jokmeam, Bet Horon,

⁶⁹Ayalon ras Gat Rimon.

⁷⁰I daerah Manase Barat man kalak enda ibereken kuta Aner ras Bileam ikut ras mbalmbal sekelewetna.

⁷¹Keluarga terpuk Gerson dat bagin kuta-kuta si tersena arah teruh enda ras mbalmbal sekelewetna: I bas daerah Manase Timur: Golan i Basan, ras Astarot.

⁷²I bas daerah Isakar: Kades, Daberat,

⁷³Ramot ras Anem.

⁷⁴I bas daerah Aser: Masal, Abdon,

⁷⁵Hukok ras Rehop.

⁷⁶I bas daerah Naptali: Kedes i Galilea, Hamon ras Kiryataim.

⁷⁷Man keluarga terpuk Merari si debanna ibereken kuta-kuta si tersena arah teruh enda rikut ras mbalmbal sekelewetna: I bas daerah Sebulon, Rimono, ras Tabor.

⁷⁸I bas daerah Ruben, arah Timur Lau Jordan, i lepar Jeriho; Beser i taneh kendit-kendit Jahsa,

⁷⁹Kedemot ras Mapaat.

⁸⁰I bas daerah Gat: Ramot i bas Gileat, Mahanaim,

⁸¹Hesbon ras Jaser.