Read Batak Karo ESRA 2 Bible Online

ESRA 2 - Batak Karo bible

ESRA 2

¹Nterem kalak buangen nadingken propinsi Babilon, janah mulih ku Jerusalem ras Juda, tep-tep kalak mulih ku kuta pengulihenna. Kidekah enda tading i Babilon jadi buangen, kenca Raja Nebukadnesar maba ia ku jah jadi tabanen.

²Si minpin e me Serubabel, Josua, Nehemia, Seraya, Reelaya, Mordekai, Bilsan, Mispar, Bigwai, Rehum, ras Baana. Enda me gelar terpuk-terpuk Israel rikutken teremna terpuk si mulih i pembuangen nari:

³ [3-20] Terpuk Paros -- 2.172 kalak Terpuk Sepatia -- 372 kalak Terpuk Arah -- 775 kalak Terpuk Pahat Moap (kesusuren Jesua ras Joap) -- 2.812 kalak Terpuk Elam -- 1.254 kalak Terpuk Sattu -- 945 kalak Terpuk Sakkai -- 760 kalak Terpuk Bani -- 642 kalak Terpuk Bebai -- 623 kalak Terpuk Asgad -- 1.222 kalak Terpuk Adonikam -- 666 kalak Terpuk Bigwai -- 2.056 kalak Terpuk Adin -- 454 kalak Terpuk Ater (igelari ka pe Hiskia) -- 98 kalak Terpuk Besai -- 323 kalak Terpuk Jora -- 112 kalak Terpuk Hasum -- 223 kalak Terpuk Gibbar -- 95 kalak

²¹ [21-35] Kalak si nini-ninina nai ringan i kuta-kuta si tersinget arah teruh enda pe mulih, e me: Betlehem -- 123 kalak Netopa -- 56 kalak Anatot -- 128 kalak Asmawet -- 42 kalak Kiryat Jearim, Kepira, ras Beerot -- 743 kalak Rama ras Geba -- 621 kalak Mikmas -- 122 kalak Betel ras Ai -- 223 kalak Nebo -- 52 kalak Makbis -- 156 kalak Elam si deban -- 1.254 kalak Harim -- 320 kalak Lod, Hadid, ras Ono -- 725 kalak Jeriho -- 345 kalak Senaah -- 3.630 kalak

³⁶ [36-39] Enda me gelar terpuk-terpuk imam si mulih i pembuangen nari: Jedaya (kesusuren Jesua) -- 973 kalak Immer -- 1.052 kalak Pashur -- 1.247 kalak Harim -- 1.017 kalak

⁴⁰ [40-42] Terpuk-terpuk Lewi si mulih i pembuangen nari e me: Jesua ras Kadmiel (kesusuren Hodawia) -- 74 kalak Pemain-pemain musik i bas Rumah Pertoton (kesusuren Asap) -- 128 kalak Pengawal-pengawal Rumah Pertoton (kesusuren Salhim, Ater, Talmon, Akkub, Hatita, ras Sobai) -- 139 kalak

⁴³ [43-54] Terpuk-terpuk kalak si erdahin i bas Rumah Pertoton si mulih i pembuangen nari e me: Siha, Hasupa, Tabaot, Keros, Siaha, Padon, Lebana, Hagaba, Akkub, Hagab, Samlai, Hanan, Giddel, Gahar, Reaya, Resin, Nekoda, Gassam, Ussa, Paseah, Besai, Asnah, Meunim, Nepisim, Bakbuk, Hakupa, Harhur, Baslut, Mehida, Harsa, Barkos, Sisera, Tema, Nesia ras Hatipa.

⁵⁵ [55-57] Terpuk-terpuk suruh-suruhen Salomo si mulih i pembuangen nari e me: Sotai, Hassoperet, Peruda, Jaala, Darkon, Giddel, Sepatia, Hattil, Pokeret Hassebaim, ras Ami

⁵⁸Teremna kesusuren kalak si erdahin i bas Rumah Pertoton ras kesusuren suruh-suruhen Salomo si mulih i pembuangen nari kerina lit 392 kalak.

⁵⁹ [59-60] Lit 652 kalak atan ku terpuk Delayah, Tobia, ras Nekoda si mulih i kuta-kuta Tel Melah, Tel Harsa, Kerub, Addan, ras Immer nari; tapi la terbuktikenca maka ia kesusuren bangsa Israel.

⁶¹ [61-62] Terpuk-terpuk imam si tersena arah teruh enda la idatca surat terombona si banci nuduhken kesusuren ise ia, e me: Habaya, Hakkos, ras Barsilai. (Nini-nini terpuk Imam Barsilai nai ngempoi sekalak diberu i bas terpuk Barsilai nari i Gileat jenari ipakena gelar terpuk mamana.) Erkiteken la terbuktikenca ise nini-ninina, kalak enda la ialoken jadi imam.

⁶³Gubernur kalak Jahudi ngataken, maka kalak enda la banci man pangan si ipersembahken man Dibata seh lit sekalak imam si banci muat keputusen alu make Urim ras Tumim. [3†]

⁶⁴ [64-67] Kerina kalak buangen si mulih lit teremna -- 42.360 kalak Budak kalak enda, dilaki ras diberu -- 7.337 kalak Pemain-pemain musik, dilaki ras diberu -- 200 kalak Kuda -- 736 Kuda bagal -- 245 Unta -- 435 Kelede -- 6.720

⁶⁸Asum kalak buangen e seh i Rumah Pertoton TUHAN i Jerusalem, piga-piga kalak i bas pengulu-pengulu terpuk nari mereken persembahen arah ukurna ersuruh guna nampati majekken Rumah Pertoton e mulihken i bas tapakna si dekah.

⁶⁹Iberekenna asa gegehna guna pendahin e, janah buena kerina lit 500 kilo emas, 2.800 kilo pirak, ras 100 lambar paken man imam-imam.

⁷⁰Imam, kalak Lewi, ras piga-piga kalak i bas kalak si mulih e ringan i bas kuta Jerusalem ntah pe deherken kuta e; pemain-pemain musik, pengawal Rumah Pertoton, ras si erdahin i bas Rumah Pertoton, ringan i bas kuta-kuta deherken Jerusalem janah kalak Israel si debanna ringan i kuta-kuta ingan nini-ninina nai tading. [4†]