Read Batak Karo NEHEMIA 11 Bible Online

NEHEMIA 11 - Batak Karo bible

NEHEMIA 11

¹Peminpin-peminpin bangsa e ringan i kuta Jerusalem, janah si debanna ilakoken alu tikam tanduk guna nentuken sada i bas sepuluh keluarga nari apai si ringan i bas kuta Jerusalem si badia e. Si lebihna ringan i bas kuta-kuta ras kuta-kuta si deban.

²Kasa kai kalak si alu keputusenna jine tading i bas kuta e, ia dat pujin i bas bangsa e nari.

³I bas kuta-kuta ras kuta-kuta si debanna, kalak Israel, imam-imam, kalak Lewi, kalak si erdahin i bas Rumah Pertoton ras kesusuren suruh-suruhen Salomo ringan i bas tanehna jine i bas kuta pengulihenna. Gelar-gelar si tersurat arah teruh enda e me warga propinsi Juda si terkemuka si ringan i Jerusalem. [35†]

⁴ Anggota-anggota suku Juda: Ataya, anak Usia kempu Sakaria. Nini-ninina si deban subuk Amaria, Sepatia, ras Mahalalel, kesusuren Peres anak Juda.

⁵Maaseya, anak Baruh kempu Kolhose. Nini-ninina si deban subuk Hasaya, Adaya, Joyarip, ras Sakaria, kesusuren Sela anak Juda.

⁶I bas kesusuren Peres nari lit 468 kalak si terkemuka si ringan i Jerusalem.

⁷ Anggota-anggota suku Benyamin: Sallu, anak Mesullam kempu Joed. Nini-ninina si deban subuk Pedaya, Kolaya, Maaseya, Itiel ras Jesaia.

⁸Gabbai ras Sallai, kade-kade Sallu si ndeher denga. Suku Benyamin si ringan i Jerusalem kerinana lit 928 kalak.

⁹Peminpinna e me Joel anak Sikri, janah Juda anak Hassenua e me kalak si nomor dua kuasana i bas kuta e.

¹⁰ Imam-imam: Jedaya anak Joyarip, ras Jakin.

¹¹Seraya anak Hilkia kempu Mesullam. Nini-ninina subuk Sadok, Merayot, ras Ahitup, e me Imam si Mbelin.

¹²Kerinana, lit 822 kalak i bas terpuk enda nari erdahin i bas Rumah Pertoton. Adaya anak Jeroham kempu Pelalia. Nini-ninina subuk Amsi, Sakaria, Pashur, ras Malkiya.

¹³Kerina lit 242 kalak kepala keluarga i bas terpuk enda nari. Amassai anak Asarel kempu Ahsai. Nini-ninina subuk Messillemot ras Immer.

¹⁴Lit 128 kalak anggota terpuk enda si jadi tentera si terberita. Peminpin kalak enda e me Sabdiel, sekalak anggota keluarga si terkemuka.

¹⁵ Kalak Lewi: Semaya anak Hassup kempu Asrikam. Nini-ninina subuk Hasabia ras Banni.

¹⁶Sabbetai ras Josabat, kalak Lewi si terkemuka, ertugas i darat Rumah Pertoton.

¹⁷Mattania anak Miha kempu Sabdi, sekalak kesusuren Asap. Ia me si minpin koor i bas Rumah Pertoton asum ngendeken pertoton pengataken bujur. Bakbukia, si nampati Mattania. Abda anak Sammua kempu Galal, sekalak kesusuren Jedutun.

¹⁸Kerina ia lit 284 kalak kalak Lewi si ringan i bas kuta Jerusalem si badia e.

¹⁹ Pengawal Rumah Pertoton: Akkup, Talmon, ras keluargana, lit 172 kalak kerina.

²⁰Kalak Israel si debanna ras imam-imam bage pe kalak Lewi si deban ringan i bas tanehna jine i bas kuta-kuta ras kuta-kuta i Juda.

²¹Si erdahin i bas Rumah Pertoton ringan i bas sada bagin i Jerusalem si igelari Opel. Kalak enda erdahin i bas pengawasen Siha ras Gispa.

²²Pengawas kalak Lewi si ringan i Jerusalem e me Ussi anak Bani kempu Hasabia. Nini-ninina subuk Mattania ras Miha, janah ia subuk ku bas terpuk Asap, terpuk si ertanggung jawab kerna musik kebaktin i bas Rumah Pertoton.

²³Lit perentah i bas raja nari si ngaturken giliren kalak enda tep-tep wari i bas minpin musik Rumah Pertoton.

²⁴Petahia anak Mesesabel terpuk Sera suku Juda. Ia me si jadi wakil bangsa Israel i bas pemerentah Persia.

²⁵Nterem bangsa e ringan i bas kuta-kuta si ndeher ras jumana. Kalak si asalna i bas suku Juda nari ringan i Kiryat Arba, Dibon, ras Jekabseel, ras i bas kuta-kuta deherken kuta-kuta enda.

²⁶Kalak ndai pe ringan ka nge i bas kuta-kuta Jesna, Molada, Betpelet,

²⁷ras Hasarsual, bage pe i Beerseba ras kuta-kuta i sekelewetna.

²⁸Kalak enda ringan i kuta Siklak, i Mekona ras kuta-kutana,

²⁹i Enrimmon, i Sora, i Jarmut,

³⁰i Sanoa, i Adullam, ras kuta-kuta deherken kuta-kuta enda ndai, bage pe i Lahis ras i bas perjuman si ndeher ras kuta e, bage pe i Aseka ras kuta-kutana. Alu kata si deban, kalak Juda ringan i bas daerah kelang-kelang Beerseba i Selatan ras Baluren Hinnom i Utara.

³¹Kalak si asalna i bas suku Benyamin nari ringan i Geba, Mikmas, Ai, Betel ras kuta-kuta si pedeher ras,

³²Anatot, Nob, Anania,

³³Hasor, Rama, Gittaim,

³⁴Hadid, Seboyim, Neballat,

³⁵Lod ras Ono, ras i bas Baluren Tukang-tukang.

³⁶Piga-piga terpuk kalak Lewi si ringan i daerah Juda, itentuken gelah ringan ras kalak Benyamin.