Read Batak Karo NEHEMIA 3 Bible Online

NEHEMIA 3 - Batak Karo bible

NEHEMIA 3

¹Si menaken dahin e Imam si Mbelin Eliasip ras teman-temanna imam si deban. Ipekenana mulihi Pintu Gerbang Biri-biri, jenari itangkuhkenna, janah pintu-pintu gerbangna ipasangna i bas inganna. Itangkuhkenna tembok e seh ku Menara Seratus ras Menara Hananel.

²Anak kuta Jeriho majekken bagin si sembelahna. Sakkur anak Imri majekken bagin si sembelahna ka.

³Terpuk Hassenaa majekken Pintu Gerbang Ikan. Itamakenna beloti-belotina ras pintu-pintuna, jenari ipasangna eruk-erukna ras ingan namaken eruk-eruk e.

⁴Meremot, anak Uria, kempu Hakkos, majekken bagin si sembelahna. Mesullam, anak Berehia, kempu Mesesabel majekken bagin si sembelahna ka. Sadok anak Baana majekken bagin si sembelahna.

⁵Anak kuta Tekoa majekken bagin si sembelahna, tapi kalak si meherga i bas kuta e la nggit ndahiken dahin si mberat si niendekesken pengawas-pengawas man bana.

⁶Joyada anak Pasea ras Mesullam anak Besodeya pekena Pintu Gerbang Jesana. Itamakenna beloti-belotina janah ipasangna eruk-erukna ras ingan namaken eruk-eruk e.

⁷Melatia i Gibeon nari, Jadon i Meronot nari, ras anak kuta Gibeon ras kuta Mispa majekken bagin si sembelahna, seh ngayak rumah gubernur Eprat Barat.

⁸Ussiel anak Harhaya, sekalak tukang emas, majekken bagin si sembelahna ka. Hanania, sekalak tukang minak wangi, majekken bagin si sembelahna seh ngayak Tembok si Mbelang.

⁹Repaya anak Hur, si merentah setengah daerah Jerusalem, majekken bagin si sembelahna.

¹⁰Jedaya anak Harumap majekken bagin si sembelahna ka, e me bagin si deher ras rumahna. Hattus anak Hasabneya majekken bagin si sembelahna.

¹¹Malkiya anak Harim ras Hassup anak Pahat Moap majekken bagin si sembelahna ras Menara Ginuhur.

¹²Sallum anak Hallohes, si merentah daerah Jerusalem si sebelah nari, majekken bagin si sembelahna. (Anak-anakna si diberu ikut nampati i bas dahin e.)

¹³Hanun ras kalak si ringan i kuta Sanoa pekena Pintu Gerbang Baluren. Itamakenna pintu-pintu gerbangna i bas inganna, ipasangna eruk-erukna ras ingan namaken eruk-eruk e, janah ipekenana tembok e 440 meter gedangna, seh ku Pintu Gerbang Sampah-sampah.

¹⁴Malkiya anak Rahap, si merentah daerah Bet Hakkerem, pekena Pintu Gerbang Sampah-sampah. Itamakenna pintu-pintu gerbangna i bas inganna, janah ipasangna eruk-erukna ras ingan namaken eruk-eruk e.

¹⁵Sallum anak Kolhose, si merentah daerah Mispa, pekena Pintu Gerbang Ulu Lau. Ibahanna tarum pintu gerbang e, ipasangna pintunna, bage pe eruk-erukna ras ingan namaken eruk-eruk e. I Kolam Sela ipajekkenna tembok sebelah peken raja, seh ngayak tangga Kuta Daud.

¹⁶Nehemia anak Asbuk, si merentah setengah daerah Betsur, majekken bagin si sembelahna, seh ku kuburen Daud, ras ku kolam, janah seh ka ku asrama tentera.

¹⁷Kalak Lewi si tersena arah teruh enda pekena piga-piga bagin tembok si tersinget i jenda. Rehum anak Bani majekken bagin si sembelahna; Hasabia, si merentah setengah daerah Keila, majekken bagin si sembelahna i bas gelar daerah e;

¹⁸Bawi anak Henadad, si merentah daerah Keila si setengah nari, majekken bagin si sembelahna;

¹⁹Eser anak Jesna, si merentah Mispa, majekken bagin si sembelahna, i lebe-lebe ingan nimpan senjata, seh ku suki tembok e;

²⁰Baruh anak Sabbai majekken bagin si sembelahna, seh dalan bengket ku bas rumah Imam si Mbelin Eliasip;

²¹Meremot, anak Uria, kempu Hakkos, majekken bagin si sembelahna, seh ku ujung dingding rumah Eliasip.

²²Imam-imam si tersena arah teruh enda pekena piga-piga bagin tembok si tersinget i jenda. Imam-imam si asalna i daerah sekelewet Jerusalem nari majekken bagin sembelahna;

²³Benyamin ras Hassup majekken bagin si sembelahna, e me si i lebe-lebe rumahna; Asaria, anak Maaseya, kempu Anania, majekken bagin si sembelahna, e me si i lebe rumahna;

²⁴Binnui anak Henadad majekken bagin si sembelahna, mulai i bas rumah Asaria nari seh ku suki tembok e;

²⁵ [25-26] Palal anak Usai majekken bagin si sembelahna, mulai i bas suki tembok e ras menara istana si arah gugung deherken kesain pengawal; Pedaya anak Paros majekken bagin si sembelahna, terus ku sada ingan arah kenjulu deherken Gerbang Lau ras menara si engkawali Rumah Pertoton. (Si enda inganna deherken bagin kuta e si nigelari Opel; i je me ringan kalak si erdahin i bas Rumah Pertoton e.)

²⁷Anak kuta Tekoa majekken si sembelahna, e me bagin kalak enda si peduaken, mulai i lebe-lebe menara si engkawali Rumah Pertoton e seh ku tembok deherken Opel.

²⁸Anak terpuk imam-imam majekken bagin si sembelahna, mulai i bas Pintu Gerbang Kuda nari terus ku Utara, sekalak-sekalak majekken tembok i lebe-lebe rumahna.

²⁹Sadok anak Immer majekken bagin si sembelahna, si i lebe-lebe rumahna. Semaya anak Sekanya, si ngurus Pintu Gerbang Timur, majekken bagin si sembelahna.

³⁰Hanania anak Selemia, ras Hanun, anak Salap si peenemken, majekken bagin si sembelahna, bagin kalak enda si peduaken. Mesullam anak Berehia majekken bagin si sembelahna, e me si i lebe-lebe rumahna.

³¹Malkiya, sekalak tukang emas, majekken bagin si sembelahna, seh ku gedung si ipake perbinaga ras kalak si erdahin i bas Rumah Pertoton, e me si sebaleng ras Pintu Gerbang Mipkad, deherken kamar si lit i datas suki tembok Barat Laut.

³²Tukang emas ras perbinaga majekken bagin si pendungina, mulai i bas suki ndai nari seh ku Kerabangen Biri-biri.