Read Batak Karo NEHEMIA 7 Bible Online

NEHEMIA 7 - Batak Karo bible

NEHEMIA 7

¹Genduari tembok e enggo dung ipekena. Pintu-pintu gerbang enggo ipasang, janah pengawal rumah pertoton, anggota-anggota koor, ras kalak Lewi si debanna enggo itentuken tugasna.

²Kuangkat dua kalak si ertugas merentah kuta Jerusalem, e me: seninangku Hanani ras Hanania sekalak si terteki tuhu-tuhu, janah la lit kalak si deban si bagi ia hamatna man Dibata.

³Kukataken man kalak enda maka ola italangi gerbang kuta Jerusalem adi langa las matawari janah arus ipintu dingen ieruk ope denga pengawal-pengawal dung ertugas asum sundut matawari. Kusuruh ka pe ia ngangkat pengawal-pengawal si ibuat i bas kalak si ringan i Jerusalem janah nugasken piga-piga kalak i bas ia nari i bas ingan-ingan penjagan si tertentu janah si debanna erjaga i sekelewet rumahna.

⁴Jerusalem e me sada kuta si mbelin, tapi la nterem jelma si tading i je, janah rumah-rumah langa mbue ipajekken.

⁵Jenari ipeturah Dibata ukurku lako pepulung bangsa e ras peminpin-peminpin bage pe pegawai-pegawaina gelah ipereksa surat terombona. Dat aku surat terombo kalak si pemena mulih i pembuangen nari, janah enda me keterangen si kujumpai:

⁶Nterem kalak buangen e nadingken propinsi Babilon jenari mulih ku Jerusalem ntah Juda, sekalak-sekalak ku kuta pengulihenna. Keluarga kalak enda enggo ringan i tanah pembuangen i negeri Babilon kenca Raja Nebukadnesar maba ia ku jah jadi tabanen.

⁷Gelar peminpin-peminpin e me: Serubabil, Josua, Nehemia, Asaria, Raamia, Nahamani, Mordekai, Bilsan, Misperet, Bigwai, Nehum ras Baana.

⁸ [8-25] Enda me gelar-gelar terpuk Israel rikut teremna i bas tep-tep terpuk si mulih i bas pembuangen nari: Paros -- 2.172 kalak Sepatia -- 372 kalak Ara -- 652 kalak Pahat Moap (kesusuren Jesua ras Joap) -- 2.818 kalak Elam -- 1.254 kalak Sattu -- 845 kalak Sakkai -- 760 kalak Binnui -- 648 kalak Bebai -- 628 kalak Asgat -- 2.322 kalak Adonikam -- 667 kalak Bigwai -- 2.067 kalak Adin -- 655 kalak Ater (ia igelari ka pe Hiskia) -- 98 kalak Hasum -- 328 kalak Besai -- 324 kalak Harip -- 112 kalak Gibeon -- 95 kalak.

²⁶ [26-38] Kalak si nini-ninina nai ringan i bas kuta-kuta si tersurat arah teruh enda pe mulihken i bas pembuangen nari: Betlehem ras Netopa -- 118 kalak Anatot -- 128 kalak Bet Asmawet -- 42 kalak Kiryat Jearim, Kepira ras Beerot -- 743 kalak Rama ras Geba -- 621 kalak Mikmas -- 122 kalak Betel ras Ai -- 123 kalak Nebo si deban -- 52 kalak Elam si deban -- 1.254 kalak Harim -- 320 kalak Jeriho -- 345 kalak Lod, Hadid ras Ono -- 721 kalak Senaah -- 3.930 kalak.

³⁹ [39-42] Enda me gelar-gelar terpuk imam si mulih i bas pembuangen nari: Jedaya (kesusuren Jesua) -- 973 kalak Immer -- 1.052 kalak Passur -- 1.247 kalak Harim -- 1.017 kalak.

⁴³ [43-45] Gelar-gelar terpuk kalak Lewi si mulih i bas pembuangen nari e me: Jesua ras Kadmiel (kesusuren Hodawia) -- 74 kalak Pemain musik Rumah Pertoton (kesusuren Asap) -- 148 kalak Pengawal Rumah Pertoton (kesusuren Sallum, Ater, Talmon, Akkup, Hatita ras Sobai) -- 138 kalak.

⁴⁶ [46-56] Gelar-gelar terpuk si erdahin i bas Rumah Pertoton si mulih i bas pembuangen nari, e me: Siha, Hasupa, Tabbaot, Keros, Sia, Padon, Lebana, Hagaba, Salmai, Hanan, Giddel, Gahar, Reaya, Resin, Nekoda, Gasam, Ussa, Paseah, Besai, Meunim, Nepusesim, Bakbuk, Hakupa, Harhur, Baslit, Mehida, Harsa, Barkos, Sisera, Tema, Nesia ras Hatipa.

⁵⁷ [57-59] Gelar-gelar terpuk suruh-suruhen Salomo si mulih i bas pembuangen nari e me: Sotai, Soperet, Perida, Jaala, Darkon, Giddel, Sepatia, Hattil, Pokeret Hassebaim ras Amon.

⁶⁰Teremna kesusuren kalak si erdahin i bas Rumah Pertoton ras suruh-suruhen Salomo si mulih i bas pembuangen e nari lit 392 kalak.

⁶¹ [61-62] Lit 642 kalak si subuk ka ku bas terpuk-terpuk Delaya, Tobia ras Nekoda si mulih i bas kuta-kuta Tel Mela, Tel Harsa, Kerup, Addon, ras Immer; tapi la terkataken kalak enda maka kalak enda kesusuren kalak Israel.

⁶³ [63-64] Terpuk imam-imam si tersurat arah teruh enda la lit datca surat terombona, e me: Halaya, Hakos ras Barsilai. (Nini-nini terpuk imam-imam Barsilai nai ngempoi sekalak diberu i bas terpuk Barsilai i Gileat jenari ipakena terpuk mamana.) Erkiteken la terkatakenca ise nini-ninina, kalak enda la ialoken jadi imam.

⁶⁵Gubernur kalak Jahudi ngataken man kalak enda maka la banci ipanna pangan si ipersembahken man Dibata ngayak lit sekalak imam si banci make Urim ras Tumim. [5†]

⁶⁶ [66-69] Teremna kerina si mulih i bas pembuangen e nari lit 42.360 kalak. Suruh-suruhenna dilaki ras diberu -- 7.337 kalak Pemain musik dilaki ras diberu -- 245 kalak Kuda -- 736 Kuda si kitik -- 245 Unta -- 435 Kelede -- 6.720.

⁷⁰ [70-72] Nterem i bas bangsa e si mereken penampatna guna nggalari ongkos pekena Rumah Pertoton e, e me: Gubernur: -- 8 kilo emas 50 mangkuk 530 jubah imam Kepala-kepala terpuk: -- 168 kilo emas 1.250 kilo pirak I bas bangsa e nari: -- 168 kilo emas 140 kilo pir 67 jubah imam

⁷³Imam-imam, kalak Lewi, pengawal Rumah Pertoton, pemain musik, nterem rayat biasa ras si erdahin i bas Rumah Pertoton e, kerina kalak Israel -- ringan i bas kuta-kuta ras kuta-kuta Juda. [6†]