Read Batak Karo MASMUR 101 Bible Online

MASMUR 101 - Batak Karo bible

MASMUR 101

¹Rende ateku man baNdu, o TUHAN, ende-endenku e me kerna kesetian ras kebujuren.

²Ateku nggeluh la erpandangen; ndigan Kam reh ndahi aku? Ateku nggeluh badia i bas rumahku,

³kutera pe la kupediat lit kejahaten. Nembeh ateku perbahanen kalak si nundalken Kam, la aku nggit erteman ras ia.

⁴Ukur si la pinter kusilahken, dingen kejahaten la kudeheri.

⁵Kalak si erbuni-buni njuruken temanna, kukernepken me ia. Kalak megombang dingen meganjang rukur, la ku kapiti.

⁶Ngena ateku man kalak si tutus; kubere ia tading i bas rumahku. Kalak si geluhna la erpandangen, kubere ia ngelai aku.

⁷Penipu la banci i bas rumahku, kalak si pekulah-kulah la banci ndekah i lebengku!

⁸Tep-tep wari ateku ngkernepken kerina kalak jahat i bas negeri enda. Asa kalak si ngelakoken si jahat, kubeneken i bas kuta TUHAN nari.