Read Batak Karo MASMUR 108 Bible Online

MASMUR 108 - Batak Karo bible

MASMUR 108

¹Masmur Daud; ende-enden.

²Enggo tetap kal ukurku, o Dibata. Ateku rende dingen muji Kam. [164†]

³Kekeken o tendingku! Kekelah, o kulcapingku dingen murdapku. Kuingeti ateku matawari erpagi-pagi.

⁴ TUHAN, kukataken bujur bandu i tengah-tengah bangsa-bangsa, kupuji ateku Kam i bas bangsa manusia kerina.

⁵Keleng ateNdu si tetap ganjangen asangken langit, pertetapNdu seh ku bas awang-awang.

⁶O Dibata, cidahkenlah kinibelinenNdu i datas awang-awang, dingen kemulianNdu i belang-belang doni enda.

⁷Pulahi aku alu kuasaNdu, dengkehken pertotonku, pulahi kalak si ikelengiNdu. [165†]

⁸I bas inganNa si badia nari erpadan TUHAN, “Alu ukur meriah kubagi-bagiken Sikem, dingen Baluren Sukot Kubagiken man bangsangKu.

⁹Gileat ras Manase Aku empuna, Eperaim kap topi wajangKu, Juda e me tongkat kinirajanKu.

¹⁰Tapi Moap e me ingan lau perburihenKu, tandana ia sikerajangenKu. Jenari man Edom Kubenterken sulampakKu ersurak-surak Aku perban Pilisti enggo Kutaluken.”

¹¹O Dibata, ise mabai aku ku Edom? Ise mabai aku ku negeri si erbenteng e?

¹²Tuhu kin enggo kami itadingkenNdu? La kin ateNdu ikut erperang radu ras tentera kami?

¹³Sampati kami ngimbangi musuh, sabap penampat manusia sia-sia nge.

¹⁴Adi Kam ras kami, o Dibata menang me kami; Kam kap si naluken musuh kami.