Read Batak Karo MASMUR 111 Bible Online

MASMUR 111 - Batak Karo bible

MASMUR 111

¹Pujilah TUHAN! Alu bulat ukur kukataken bujur man TUHAN, i tengah-tengah kalak bujur ras i bas perpulungenNa.

²Andiko belinna perkara-perkara si ibahan TUHAN, kerina kalak si meriah iakapna rassa merincuh ngantusisa.

³Kerina si ilakokenNa mulia dingen terpuji, kinibujurenNa tetap rasa lalap.

⁴La ipediat TUHAN kita lupa perbahanenNa si mejin; Ia si perkeleng dingen perkuah.

⁵IberekenNa rejeki man kalak si erkemalangen man baNa, dingen la pernah lupa perpadanenNa.

⁶Enggo icidahkenNa kuasaNa man bangsaNa, alu mereken taneh bangsa-bangsa man bana.

⁷I bas kerina perbahanenNa, Ia tetap dingen bujur, kerina perentahNa, tetap enteguh.

⁸Undang-undangNa tetap tahan rasa lalap, ibereken alu bujur, alu kebenaren.

⁹IpulahiNa bangsaNa; jenari ibahanNa perpadanen si tetap rassa. Badia dingen medolat me tuhu-tuhu Dibata.

¹⁰Bena-bena kepentaren e me erkemalangen man TUHAN. Man kalak si erkemalangen man baNa iberekenNa kap pemeteh si mehuli. Terpujilah Dibata seh rasa lalap. [170†]