Read Batak Karo MASMUR 121 Bible Online

MASMUR 121 - Batak Karo bible

MASMUR 121

¹Kutatap ku deleng-deleng, i ja nari kin reh penampatku?

²Penampat man bangku reh i bas TUHAN nari, si enggo njadiken langit ras doni.

³La kam ipelepasNa guling, sekawalndu lalap la madat mataNa.

⁴Sekawal Israel, la pernah madat mataNa, la tertunduh pe Ia.

⁵ TUHAN kap sekawalndu, arah kemuhenndu kap Ia guna ngampang-ngampangi kam.

⁶La kam bangger iparpari las matawari tupung suari, ntah pe erkiteken sinalsal bulan tupung berngi.

⁷ TUHAN kap sekawalndu i bas kerina mara nari, Ia kap si njagai geluhndu.

⁸Ia kap si ngkawali perberkat ras permulihndu, genduari nari seh rasa lalap.