Read Batak Karo MASMUR 129 Bible Online

MASMUR 129 - Batak Karo bible

MASMUR 129

¹O Israel, turiken uga pengayak-ngayak kalak kam paksa kitikndu nari.

²“Mulai kin kitikku nari, enggo aku iayak-ayak musuh-musuhku, tapi la tertalukenca aku.

³Mbages pengelukaina gurungku, bali ras juma si mbaru dung itenggalai.

⁴Tapi TUHAN bujur kap, enggo ipulahiNa aku i bas perbudaken kalak jahat nari.”

⁵La banci lang talu dingen surut kalak si ernembeh ate man Sion.

⁶Jadilah ia bali ras dukut si turah i datas tarum, melus ope mbelin.

⁷La lit kalak si pepulungsa, ntah si mberkissa.

⁸Kalak si mentasisa, sekalak pe la ngatakenca, “TUHAN si masu-masu kam! Ipasu-pasu kami kam i bas gelar TUHAN.”