Read Batak Karo MASMUR 138 Bible Online

MASMUR 138 - Batak Karo bible

MASMUR 138

¹I bas Daud nari. Kukataken bujur man baNdu, o TUHAN, alu bulat ukurku. I lebe-lebe dibata-dibata si deban, rende aku muji Kam.

²Janah muji gelarNdu, erjimpuh aku ngadap ku RumahNdu si badia, erkiteken Kam setia dingen tetap kekelengenNdu. Enggo icidahkenNdu maka gelarNdu ras perentah-perentahNdu belinen asangken kai pe.

³Tupung kulebuh Kam, ialoiNdu aku, alu gegehNdu, ipegegehiNdu aku.

⁴Kerina raja-raja i doni ipujina Kam, o TUHAN, erkiteken enggo ibegina padan-padanNdu.

⁵Kerna kemulianNdu si mbelin dingen kai si enggo ibahanNdu, rende me ia kerina.

⁶Aminna pe Kam si meganjangna, ipekena-kenaNdu nge kalak si meteruk. Kalak megombang la banci cebuni i bas Kam nari.

⁷Tupung aku ikeleweti kiniseran, iampang-ampangiNdu aku maka la aku bene. IlawanNdu imbang-imbangku si sangana ngamuk, alu gegehNdu ikeliniNdu aku.

⁸IlakokenNdu kai si enggo ipadankenNdu. O TUHAN, keleng ateNdu tetap rasa lalap, bahanlah serta dahin si enggo ibenakenNdu.