Read Batak Karo MASMUR 146 Bible Online

MASMUR 146 - Batak Karo bible

MASMUR 146

¹Pujilah TUHAN! O tendingku, pujilah TUHAN.

²Asa umur geluhku kupuji ateku TUHAN, ateku rende man Dibata asa dekahna aku nggeluh.

³Ola kam ernalem man raja-raja, la lit manusia si ngasup engkelini kam.

⁴Kune mate ia, mulihken ia ku taneh, i bas wari si e kerina sura-surana peltep.

⁵Malem ate kalak si TUHAN Dibata penundalenna, si ibahanna Dibata nu Jakup jadi penampatna,

⁶si nepa langit, doni, lawit, ras kerina isina. Katawari pe itepatiNa padanNa. [206†]

⁷Ia kap ngerunggui kalak si itindih man kalak si kelihen, iberekenNa nakan. TUHAN si nangtangi kalak si i bas penjara nari,

⁸si pemedakken mata si pentang. Ipetedisna kalak si enggo guling, keleng ateNa man kalak bujur.

⁹Kalak pertandang si lit i negerinta ikawaliNa, diberu si enggo mbalu ras anak melumang isampatiNa, tapi sura-sura kalak jahat lalap ibanNa la sahun.

¹⁰ TUHAN kap raja sindekah-ndekahna, o Sion, DibataNdu kap si erkuasa rasa lalap seh rasa lalap. Pujilah TUHAN!