Read Batak Karo MASMUR 19 Bible Online

MASMUR 19 - Batak Karo bible

MASMUR 19

²Langit encidahken kemulian Dibata, awang-awang erberita kerna perbahanenNa.

³Tep-tep wari erberita kempak wari si pagina, tep-tep berngi nuri-nuri man berngi si pagina ka.

⁴La lit si ngerana ntah melasken kata, la lit sora si terbegi.

⁵Tapi sorana erdengung i belang-belang doni enda, terbegi seh ku tampuk doni. Ibahan Dibata rumah i langit man ingan matawari, [21†]

⁶erpagi-pagi pultak matawari desken dilaki si mbaru empo luar bas bilik nari, bali ras si mbisa erlumba alu dem keriahen.

⁷Erdalan ia i bas ujung langit nari, terus ku ujungna si deban ikeparina. Kai pe la banci cebuni i bas las sinalsalna nari.

⁸Undang-undang TUHAN e serta kap, ia mereken gegeh si mbaru. Perentah TUHAN terteki tuhu, mereken pengertin man kalak si kurang pentar.

⁹Undang-undang TUHAN benar kap, e maka kalak si ngikutkenca meriah tetap. Perentah TUHAN benar kap, mereken pengertin ku bas perukuren.

¹⁰Ersembah man TUHAN mehuli kap, tetaplah e rasa lalap. Putusen TUHAN adil kap, dingen tetap rembang tengah.

¹¹Asangken emas murni pe jilen kap e tebun asangken tengguli si entebuna.

¹²Aku suruh-suruhenNdu ndatken pemeteh ibassa nari. Erkiteken kepatuhenku dat upah aku ibassa nari.

¹³La lit si meteh salahna jine, e maka bebasken aku i bas kesalahenku si la kueteh.

¹⁴O TUHAN i bas dosa si kueteh pe kelini min aku ola pelepas ia erkuasa i bas aku. Maka aku jadi serta pulahi min aku i bas dosa si jahat e.

¹⁵Min ngena ateNdu rananku ras perukurenku, O TUHAN, kam kap kecionku dingen penebusku.