Read Batak Karo MASMUR 21 Bible Online

MASMUR 21 - Batak Karo bible

MASMUR 21

²O TUHAN, meriah iakap raja sabap kuasaNdu, la tanggung riahna iakapna perban kemenangen si iberekenNdu bana.

³Sura-sura ni pusuhna isehkenNdu, pemindonna iberekenNdu.

⁴Reh Kam ndahi ia alu pasu-pasuNdu si mbelin, itamakenNdu mahkota emas ku takalna.

⁵Ipindona kegeluhen; cawir metua iberekenNdu man bana, lebihen asang si e, geluh si la erkeri-kerin pe iberekenNdu man bana.

⁶Erkiteken penampatNdu terberita kal ia, iberekenNdu bana kegeluhen si medolat.

⁷Pasu-pasuNdu ngarak-ngarak ia tetap, dingen i bas adep-adepenNdu malem atena lalap.

⁸Raja ernalem man TUHAN si Meganjang, dingen erkiteken kekelengen TUHAN si tetap, la ia jurembat.

⁹Itangkap raja me kerina musuh-musuhna, itangkapna me kerina si rate nembeh bana.

¹⁰Tupung icidahkenna bana, ikernepkenna me kerina musuhna. Radas ia kerina erkiteken pernembeh ate TUHAN, dingen keri meseng ibahan api si gurlah.

¹¹Lanai lit sada pe kesusurenna tading, ibunuh raja me ia kerina.

¹²Ibanna rencana lako erpekat ngelawan raja, tapi la seh sura-surana si jahat e.

¹³Irentangna panahna man musuh-musuh e, maka mulihken dingen kiamen kerina.

¹⁴Ipuji kami Kam TUHAN perban gegehNdu si mbelin e, rende me kami dingen muji kuasaNdu pe.