Read Batak Karo MASMUR 23 Bible Online

MASMUR 23 - Batak Karo bible

MASMUR 23

¹Masmur Daud. TUHAN kap permakanku, e maka la kekurangen aku.

²I bas mbalmbal si meratah, ipesenang-senangNa aku. Kempak lau si teneng permalerna, itegu-teguna aku. [28†]

³IpelimbaruiNa gegehku, ibabaiNa aku arah dalan si pinter erkiteken gelarNa.

⁴Aminna erdalan pe aku arah kelbung si gelap, la aku mbiar jumpa cilaka sabap Kam kap ras aku, o TUHAN. IkawaliNdu aku, desken permakan ngkawali biri-biri alu ciken ras kayan-kayanna.

⁵IaturkenNdu kerja si mbelin man bangku, maka kerina imbang-imbangku ngidahsa; desken temue si medolat, Ialo-aloNdu aku alu namaken minak ku takalku. Jenari ielaiNdu aku alu inemen seh riba-iba.

⁶Kueteh maka lalap Kam melias kempak aku, kueteh maka tetap ateNdu keleng man bangku, dingen rumahNdu jadi rumahku kidekah umur geluhku.