Read Batak Karo MASMUR 28 Bible Online

MASMUR 28 - Batak Karo bible

MASMUR 28

¹I bas Daud nari. TUHAN sekawalku, erlebuh aku baNdu, dengkehken min perserkongku. Adi la aku ialoiNdu, nusur me aku ku doni kalak mate.

²Begiken min aku tupung erlebuh mindo penampatNdu, tupung aku ngangkat tanku kempak RumahNdu.

³Ola ukumNdu aku radu ras kalak jahat, ras kalak si ngelakoken si la bujur. Kalak si percakap manis, tapi ukurna dem alu elem-elem.

⁴Ukum min ia kerina sue ras perbahanenna, kerna si jahat si enggo ibahanna. Ukumlah ia sue ras kai si ibahanna baliken man bana ukumen bagi patutna. [31†]

⁵PerbahanenNdu, TUHAN, la diatena pe si ibahanNdu pe la iperdiatekenNa. E maka iberekenNdu ukumen man bana, jenari ikernepkenNdu ia rasa lalap.

⁶Pujilah TUHAN, sabap enggo ibegikenNa pemindonku.

⁷ TUHAN kap gegeh dingen ampang-ampangku man baNa aku ernalem. Ia si nampati ras periah ukurku, kupuji ia alu ende-enden si meriah.

⁸ TUHAN si ngkawali bangsaNa, ibelaNa ras iselamatkenNa raja pilihenNa.

⁹Kelini bangsaNdu o TUHAN, pasu-pasulah bangsa pusakaNdu. Permakanilah ia, pekena-kenalah seh rasa lalap.