Read Batak Karo MASMUR 36 Bible Online

MASMUR 36 - Batak Karo bible

MASMUR 36

¹I bas si Daud suruh-suruhen TUHAN nari.

²Kalak jahat megiken pengajuk dosa seh ku bas pusuhna, sitik pe la ia mbiar man Dibata. [41†]

³Erkiteken meganjang iakapna bana, iakapna maka la ieteh TUHAN dosana janah la iukumNa.

⁴Rananna jahat janah melala takina, si mehuli dingen pentar la nai ia nggit ngelakokenca.

⁵Tupung ia medem-medem, ibahanna rencanana si jahat, la lit si mehuli si ilakokenna janah si jahat la pernah itulakna.

⁶O TUHAN, keleng ateNdu seh ku langit, kesetianNdu seh ku awang-awang.

⁷KebenarenNdu seri ganjangna ras deleng, kinibujurenNdu seri bagesna ras lawit manusia ras rubia-rubia ipekena-kenaNdu, o TUHAN.

⁸O TUHAN, andiko ergana keleng ateNdu si tetap e, ikawaliNdu kami i teruh kabengNdu.

⁹Besur kami man pangan si isikapkenNdu riba-iba, ibereNdu kami minem i bas lau belinNdu si malem.

¹⁰Kam kap ulu kegeluhen, i bas sinalsalNdu idah kami terang.

¹¹Man kalak si nandai Kam tetap ikelengiNdu, dingen iberekenNdu kiniulinNdu man kalak bujur.

¹²Ola pelepasNdu aku iperang kalak si meganjang ukurna, ola pelepasNdu aku ipelawes kalak jahat.

¹³Nehenlah i ja lit kalak jahat guling, i je ia ampar, lanai ngasup keke.