Read Batak Karo MASMUR 37 Bible Online

MASMUR 37 - Batak Karo bible

MASMUR 37

¹Masmur Daud. Ola atendu nembeh kempak kalak jahat, ola mecimberu ngenehen kalak si erbahan jahat.

²Sabap bali ras dukut si kerah, minter me ia masap, mate me ia desken sinuan-sinuan si melus.

³Ernalemlah man TUHAN, dingen lakokenlah si mehuli, gelah kam la biar-biaren nggeluh i bas negeri e.

⁴Daramilah kemalemen atendu i bas TUHAN, maka isehkenNa sura-surandu.

⁵Endesken dirindu man TUHAN, ernalemlah man baNa, tentu isampatiNa kam.

⁶IbahanNa maka kinibujurenndu ersinalsal, desken sinalsal matawari pantek ciger.

⁷Timailah TUHAN alu teneng, sabarlah nimai perbahanenNa. Ola morahi kalak si rulih ngelakoken pertakin si jahat.

⁸Ola pelepas dirindu ikuasai ate nembeh ntah aru ate, e nuhsahi kam nge ngenca.

⁹Kalak si ngelakoken jahat ilesapken, tapi si ngarap man TUHAN ndatken taneh tading-tadingen.

¹⁰Kalak jahat pedas me lesap, adi idarami, lanai ia lit i japa pe.

¹¹Kalak si meteruk rukur ndatken taneh e, inanamina kedamen ras kesenangen. [42†]

¹²Kalak jahat ngerencanaken si jahat, dingen nembeh atena kalak benar.

¹³Tapi tawa ate Tuhan ngenen kalak jahat, ietehNa maka lanai ndekah kalak e ilesapken.

¹⁴Kalak jahat nintak pedang dingen ngerentang panah munuh kalak musil dingen mesera, nggeleh kalak si ngelakoken si mehuli.

¹⁵Tapi ia jine ibunuh pedangna, janah pedangna ipenggelken.

¹⁶Aminna sitik pe sikerajangen kalak bujur, tapi ergan e asangken erta kalak jahat.

¹⁷Sabap ibuat TUHAN kap kuasa kalak jahat, tapi kalak bujur ikawaliNa.

¹⁸Ipekena-kena TUHAN kap kalak si ngikutken Ia, dingen negeri e rasa lalap ia empuna.

¹⁹Tupung negeri e i bas paksa kesusahen, la mesera iakapna, paksa kelihen cukup pangan i bas ia.

²⁰Tapi mate me kalak jahat, desken asap bene me ia. Lesap me musuh-musuh TUHAN, desken rudang i mbalmbal.

²¹Kalak jahat minjam lanai iulihkenna, tapi kalak bujur melumbar i bas pemerena.

²²Kalak si dat pasu-pasu i bas TUHAN nari dat bagin i bas negeri e, tapi kalak si isumpahiNa ipelawes.

²³Kalak si ngena ate TUHAN, ikawali dingen itegu-teguNa geluhna.

²⁴Guling pe ia la mekelek, sabap TUHAN kap si negu tanna.

²⁵Mulai kin kitik-kitikku nari seh bagenda enggo metua, la enggo kuidah kalak bujur itadingken TUHAN, tah kempuna jadi pemindo-mindo.

²⁶Pepinjamken dingen melumbar ia mere lalap, dingen anak-anakna mereken kemalemen ate man bana.

²⁷Tadingkenlah si jahat, lakokenlah si bujur, gelah sinursurndu rasa lalap ngiani taneh enda.

²⁸Sabap ngena kal ate TUHAN keadilen janah la itadingkenNa kalak si erkemalangen man baNa. Kalak si bujur asa lalap ipekena-kenaNa, tapi kesusuren kalak jahat ipelawes.

²⁹Kalak bujur me si ndatken bagin taneh i bas negeri e, janah ringan ia i je rasa lalap.

³⁰Kalak bujur melasken ranan si pentar, dingen si benar nge si ibelaskenna.

³¹Ibunikenna Undang-undang TUHAN i bas pusuhna, la ia pernah nilah i jenari.

³²Kalak jahat nggempangi kalak bujur, dingen ndarami dalan guna munuhsa.

³³Tapi kalak bujur la iendesken TUHAN kempak musuhna, janah la ipelepasNa iukum i bas pengadilen.

³⁴Ngaraplah man TUHAN dingen patuhilah perentahNa, maka kam ipehagaNa, jenari jadi empu taneh pusaka, idahndu me kalak jahat ipelawes.

³⁵Pernah kuidah kalak jahat si megombang, ia erkuasa desken batang cemara Libanon.

³⁶Tapi dungna tupung aku mentas ka arah e, kudarami ia, tapi la aku jumpa.

³⁷Nehenlah kalak bujur, perdiatekenlah kalak benar, kalak si ngena atena perdamen, nterem kesusurenna.

³⁸Tapi kalak perdosa ikernepken kap, janah kesusurenna ilesapkenna.

³⁹Ikelini TUHAN kalak bujur, dingen ikawaliNa i bas paksa kesusahen.

⁴⁰IsampatiNa dingen ipulahiNa kap ia, ikeliniNa i bas kalak jahat nari, sabap man baNa kap ia mindo pengkawali.