Read Batak Karo MASMUR 41 Bible Online

MASMUR 41 - Batak Karo bible

MASMUR 41

²Sangap kalak si mperdiateken kalak musil, TUHAN si nampatisa tupung ia i bas kesusahen.

³ TUHAN si ngkawali dingen ngkelengi kesahna, ibahan Dibata maka sangap ia i doni enda, dingen la iendeskenNa ia man imbang-imbangna.

⁴Tupung ia bangger TUHAN si nampatisa, dingen mereken kejuah-juahen man bana.

⁵Ningku, “O TUHAN man baNdu kap aku erdosa, mekuah min ateNdu, pepalem min aku.”

⁶Ikataken musuhku si la mehuli kerna aku, atena gelah aku mate jenari lanai iinget.

⁷Kalak si reh ngenen aku, la bujur ukurna. Ipepulungna berita si la mehuli kerna aku, jenari ndarat ia, ikatakenna ku japa pe.

⁸Kerina kalak si ernembeh ate man bangku kusik-kusik; jenari iukurkenna si la mehuli kerna aku.

⁹Nina kalak e, “Mekelek kal penakitna, kutera pe lanai ia banci keke.”

¹⁰Sedangken teman si kuteki, dingen kalak si man ras aku pe, enggo ngimbangi aku. [44†]

¹¹O TUHAN mekuah min ateNdu; pepalem min aku, gelah aku banci erbalas man imbang-imbangku.

¹²Adi la aku tertalukenca, jenari kuangka maka ngena ateNdu aku.

¹³IsampatiNdu aku erkiteken si mehuli si kulakoken, jenari ibahanNdu maka aku nggeluh i bas adep-adepenNdu seh rasa lalap.

¹⁴Pujilah TUHAN, Dibata nu Israel! Pujilah Ia genduari seh rasa lalap! Amin! Amin! [45†]