Read Batak Karo MASMUR 45 Bible Online

MASMUR 45 - Batak Karo bible

MASMUR 45

¹Ende-enden anak Korah; ende-enden keleng ate.

²Pusuhku dem alu kata-kata si mejile, tupung kubahan ende-enden enda guna raja. Desken pena pujangga si pentar, bage me dilahku ngendeken ende-enden.

³I bas kerina dilaki rupandu kap si mejilena, rananndu e kiniulin, erkiteken si e Dibata tetap mereken pasu-pasu man bandu.

⁴Genditken pedang i bas awakndu, o raja si mbisa, kam si terpuji dingen mulia!

⁵Berkatken alu kemulian nuju kemenangen, majekken kebenaren ras keadilen. Gegehndu mereken bandu kemenangen si mbelin.

⁶Panahndu si entelap nustus pusuh musuh, bangsa-bangsa gulingen ku teruh tapak-tapak nahendu.

⁷Iperentahndu rayatndu alu keadilen, kinirajanNdu o, Dibata tetap kap rasa lalap. [47†]

⁸Ngena atendu si benar dingen nembeh atendu si jahat, erkiteken si e ipilih Dibata kam, iberekenNa man bandu sampur kemalemen ate lebihen asang raja-raja si debanna.

⁹Pakenndu merim bauna, bau mur, gaharu ras cendana. Istanandu ihiasi gading si meherga, i je iendeken ende-enden si erbahan meriah ukur raja.

¹⁰Dayang-dayang istana, lit deba putri raja-raja. Arah kemuhen kursi kinirajan tedis kemberahen, make perhiasen emas murni.

¹¹O putri raja-raja, begiken si kukataken, lupakenlah bangsa dingen keluargandu.

¹²Kinijilenndu erbahanca leket pagi ukur raja man bandu, ia tuanndu, patuhlah man bana.

¹³Kalak Tirus maba persembahen man bandu; iusahaken kalak bayak muat ukurndu.

¹⁴Putri raja si mbaru lit i bas istana, uisna isulam benang emas.

¹⁵Alu paken si erbage-bage rupana, iarakken ia ku adepen raja, iikutken dayang-dayangna, ia pe ikut ngadap man raja.

¹⁶Andiko riahna ukurna, tupung ia bengket ku bas istana raja!

¹⁷Kam o rajangku, nterem nge pagi pupusndu dilaki, guna nggantiken nini-ninindu jadi raja. Kam pagi nangkuhken ia kerina, jadi raja, guna merentah kerina doni enda.

¹⁸Ende-endenku enda erbahanca Kam terberita rasa lalap, Kam tetap ipuji bangsa-bangsa i bas paksa si reh enda pe.