Read Batak Karo MASMUR 48 Bible Online

MASMUR 48 - Batak Karo bible

MASMUR 48

¹Masmur anak-anak si Korah.

² TUHAN mulia kap janah terpuji kal Ia, i bas Kuta Dibatanta, i datas delengNa si badia.

³Sion, e me deleng Dibata, meganjang dingen seh kal jilena, kuta si mulia si mereken keriahen man kerina doni enda. [48†]

⁴Icidahken Dibata maka terkawal kita ras Ia, i bas benteng-benteng kuta e.

⁵Raja-raja pulung, jenari iperangna Deleng Sion.

⁶Tapi kenca idahsa deleng e, jengang ia, gentar ia, jenari kiam ia kerina.

⁷I je nggirgir ia perban biarna, mesui iakapna bagi diberu si nandangi mupus,

⁸bali ras kapal sanga seding itendeng galumbang.

⁹Enggo sibegi kai si ibahan Dibata, genduari enggo siidah pe. I bas kuta TUHAN Dibatanta si Mada Kuasa, tetap ikawaliNa maka aman rasa lalap.

¹⁰O Dibata, i bas RumahNdu, iinget kami keleng ateNdu.

¹¹GelarNdu terberita dingen ipuji i belang-belang doni enda, iperentahNdu doni enda alu bujur.

¹²Kalak Sion ras Juda, ersurak me ia, sabap iukumNdu imbang-imbangna.

¹³Keleweti dingen dalanilah Sion, jenari beligailah menarana.

¹⁴Perdiateken tembokna periksalah bentengna, maka banci iturikenndu man kesusurenndu si reh:

¹⁵“Maka Ia kap Dibata, Dibatanta seh rasa lalap, Ia si negu-negu kita seh rasa lalap.”