Read Batak Karo MASMUR 49 Bible Online

MASMUR 49 - Batak Karo bible

MASMUR 49

¹Masmur anak-anak si Korah.

²Begikenlah o kerina bangsa, o kam si ngiani doni enda dengkehkenlah.

³Subuk rayat bage pe si perpangkat, si musil-musil dingen si bayak.

⁴I bas babahku nari luar kata-kata kepentaren, perukurenku mbages kal ertina.

⁵Kuperdiateken me kuan-kuanen, janahku ngkuit kulcapi, kuturiken ertina.

⁶La aku mbiar paksa-paksa kiniseran, tupung aku ikepung musuh-musuhku.

⁷E me kalak bayak, si ernalem man kebayakenna, dingen si megombang erkiteken erta-ertana.

⁸Ise pe la banci nebusi kesahna, ntah pe nggalari tebusna man Dibata.

⁹Sabap tebusen guna geluh manusia meherga kal kap, e maka kai saja pe igalarkenna la pernah cukup,

¹⁰gelah ia isilahi kematen, dingen banci nggeluh rasa lalap.

¹¹Kerina kalak ngidahsa maka kalak pentar pe mate nge, bali ras kalak motu ras bodoh. Kerina ia nadingken kebayakenna man sinursurna.

¹²Kuburen me jadi rumahna rasa lalap, i je me ia tading rasa lalap, aminna pe tupung geluhna, mbelang tanehna.

¹³Kinihagan manusia labo banci mulahi ia i bas kematen nari, bali ras rubia-rubia ia pe mate nge.

¹⁴Nehenlah, kuga jadina man kalak si ernalem man dirina, bage me kedungenna man si puas iakapna ngenen ertana.

¹⁵Enggo itetapken maka ia mate bali ras biri-biri, kematen kap jadi permakanna; Pinter ia lawes ku bas kuburen, jenari tading i bas doni kalak mate, badanna minter macik.

¹⁶Tapi Dibata si mulahi aku, ikeliniNa aku i bas kuasa kematen nari.

¹⁷Ola ukurndu gulut ngidah kalak jadi bayak, dingen erta-ertana pe ertambah-tambah.

¹⁸Labo ibabana erta-ertana e tupung ia mate, kebayakenna labo ikut ikuburken radu ras ia. [49†]

¹⁹Aminna pe sangap kalak i bas geluhna, dingen perban sangapna ia iangkat-angkat,

²⁰idahina kang nini-ninina, ku bas ingan si gelap seh rasa lalap.

²¹Kehagan manusia labo pulah i bas kematen nari, bali ras rubia-rubia ia pe mate nge.