Read Batak Karo MASMUR 5 Bible Online

MASMUR 5 - Batak Karo bible

MASMUR 5

²Begikenlah rananku o TUHAN, dengkehkenlah kelsehenku.

³O Dibatangku, o rajangku, begikenlah sorangku erlebuh mindo penampat. Sabap man bandu ngenca aku ertoto.

⁴Erpagi-pagi si lampas idengkehkenndu sorangku; sanga pultak matawari ertoto aku man baNdu jenari o TUHAN, kutimai jabapNdu.

⁵Kam kap Dibata si rate ciga kempak perbahanen si la payo; la kap ipediatNdu perbahanen si jahat i adep-adepenNdu.

⁶La Kam nggit rembak ras kalak megombang; itembehindu kerina kalak jahat.

⁷IkernepkenNdu kerina kalak perguak, dingen ciga ateNdu kalak jahat ras penipu.

⁸Tapi sabap perkuah ateNdu si mbelin banci aku bengket ku bas rumahNdu. Banci aku ersembah i bas Rumah PertotonNdu sibadia, dingen erjimpuh man banNdu alu mehamat.

⁹O TUHAN, nterem kal imbang-imbangku! E maka taruhken min aku ngelakoken peratenNdu; petangkas min sura-suraNdu man bangku gelah kuikutken peratenNdu.

¹⁰Kai si ikataken imbang-imbangku la terteki; encedai ngenca atena. Rananna medalit dingen medate tapi pusuhna dem alu tipu. [7†]

¹¹O Dibata, sumpahi dingen ukumlah ia, bahanlah maka pertakinna mahanca ia bene. Ambekkenlah ia i bas adep-adepenNdu nari sabap dosa-dosana si seh kal lalana, dingen berontak ia ngelawan Kam.

¹²Tapi meriah iakap kalak si ernalem i bas Kam, rasa lalap banci ia rende muji Kam. Kawalilah kalak si erkeleng ate man baNdu, erkiteken Kam, tuhu malem kal atena.

¹³O TUHAN, ipasu-pasuNdu kap kalak si erkemalangen man baNdu, kekelengenNdu ngampang-ampangi ia kerina, desken ampang-ampang perang.