Read Batak Karo MASMUR 52 Bible Online

MASMUR 52 - Batak Karo bible

MASMUR 52

¹Ende-enden Daud,

²tupung Doeg, kalak Edom e, lawes ngataken man Saul maka Daud enggo seh i rumah Abimelek. [52†]

³O kalak si mbisa, ngkai maka ihagakenndu kejahatenndu, kekelengen Dibata tetap kap.

⁴Gedang-gedang wari kam nipu dingen ngerencanaken si jahat, dilahndu desken piso cukur si entelap.

⁵Ngena ateNdu kempak kejahaten lebih asang man si mehuli, kata la tuhu asangken situhu-tuhu.

⁶O penipu, alu rananndu, meriah ukurndu nakiti kalak.

⁷E maka, ikernepken Dibata me kam rasa lalap, itangkapNa me kam, jenari isarenNa i bas rumahndu nari, janah ipiserNa kam ku doni kalak mate.

⁸Ngidah si e, mbiar kalak bujur, jenari itawaina kam janah nina,

⁹“Ah me kalak si la ernalem man Dibata, tapi ernalem man kejahaten dingen kebayaken.”

¹⁰Tapi aku, desken batang saitun si meratah bulungna, si turah i bas Rumah Dibata. Aku ernalem man keleng ateNa si tetap rasa lalap seh rasa lalap.

¹¹Rasa lalap ateku ngataken bujur man baNdu, erkiteken kai si ibahanNdu, o Dibata. I tengah-tengah perpulungen kalak si ertutus ate man baNdu kumomoken kiniulinNdu.