Read Batak Karo MASMUR 53 Bible Online

MASMUR 53 - Batak Karo bible

MASMUR 53

¹Ende-enden Daud.

²Nina kalak bodoh i bas ukurna, “Labo lit Dibata.” Kerina kalak bodoh pertaki pacik, dingen ilakokenna perbahanen si macik; la lit ise pe si ngelakoken kai si bujur. [53†] [54†]

³I Surga nari iperdiateken Dibata kap manusia e, ngenenca ntah mawen lit kalak si pentar, ntah lit kalak si ndarami Dibata.

⁴Tapi kerina kalak enggo papak perbahanenna, iraskenna erbahan jahat. La lit sekalak pe ngelakoken si benar, sekalak pe lang.

⁵Nina Dibata, “La kin ieteh kalak enda? Kerina kin kalak jahat la erpemeteh? Nggeluh ia ngerampuki bangsangKu, dingen la ia pernah ertoto man bangKu.”

⁶Nehenlah, musuh bangsa TUHAN nggirgir perban biarna, kebiaren si bage belinna langa pernah inanamina. Sabap ikerapken Dibata tulan-tulanna, itulak Dibata, e maka talu ia.

⁷Ertoto kal aku, maka reh kemenangen i Sion nari, andiko riahna ukur kalak Israel, adi TUHAN erbahanca sangap ka ia mulihi.