Read Batak Karo MASMUR 54 Bible Online

MASMUR 54 - Batak Karo bible

MASMUR 54

¹Ende-enden Daud

²tupung kalak Sipi reh ngataken man Saul: “Daud cebuni man kami.” [55†]

³O Dibata kelini min aku alu kuasaNdu, bereken keadilen erkiteken gegehNdu.

⁴O Dibata dengkehken min pertotonku, begiken min rananku.

⁵Sabap keke me kalak si megombang ngelawan aku, kalak merawa munuh aku atena, e me kalak si la erdiate man Dibata.

⁶Tapi Kam kap penampatku, o Dibata, Kam kap si natang geluhku.

⁷Bahan maka imbang-imbangku itindihi kejahatenna, kernepken min ia, sabap Kam setia man bangku.

⁸Alu ukur meriah kupersembahken persembahen man baNdu, dingen ngataken bujur man baNdu, sabap mehuli kap Kam o TUHAN.

⁹IpulahiNdu aku i bas kerina kiniseran nari, kuidah imbang-imbangku italuken.