Read Batak Karo MASMUR 57 Bible Online

MASMUR 57 - Batak Karo bible

MASMUR 57

¹Masmur Daud tupung ia lompat i bas Saul nari i bas gua. [57†]

²Mekuah min ateNdu aku, o Dibata, mekuah min ateNdu, sabap man baNdu kap aku cicio. Aku cebuni i teruh kabengNdu, seh ngadi angin kaba-kaba si meter e.

³Erlebuh aku man Dibata si Meganjang, man Dibata si ngkuhi kerina keperlunku.

⁴I Surga nari ibegikenNa aku jenari ikeliniNa, italukenNa kalak si nindih aku. Icidahken Dibata maka tetap ateNa keleng man bangku dingen melias ateNa kempak aku.

⁵Aku ikepung musuh, bali ras singa si ngerigep manusia. Ipenna desken lembing ras panah, dilahna desken pedang si entelap.

⁶O Dibata cidahken min kemulianNdu i langit, dingen kemulianNdu i belang-belang doni enda.

⁷Itogeng imbangku siding man bangku, lanai kal tanggung biarna aku. Ikalina lubang i bas dalanku, tapi ia jine gedap ku bas.

⁸Enggo tetap ukurku, o Dibata, enggo tetap, rende aku kupuji Kam.

⁹Kekelah, o tendingku, kuitlah murdap ras kulcapingku, kupekeke ateku matawari.

¹⁰O TUHAN, ngataken bujur ateku man baNdu, i tengah bangsa-bangsa. Kupuji ateku Kam, i tengah-tengah bangsa manusia.

¹¹Keleng ateNdu si tetap seh ku langit, kesetianNdu seh ku awang-awang.

¹²O Dibata, cidahken min kemulianNdu i langit, dingen kemulianNdu i belang-belang doni enda.