Read Batak Karo MASMUR 59 Bible Online

MASMUR 59 - Batak Karo bible

MASMUR 59

¹Masmur Daud, tupung Saul nuruh kalak ngawasi rumahna guna munuh. [58†]

²Pulahi min aku i bas musuh-musuhku nari, o Dibata, kawalilah aku i bas kalak si nerang aku.

³Pulahi min aku i bas kalak jahat nari, i bas kalak si ngamburken dareh kelini min aku.

⁴Nehenlah! Igempangina aku, munuh aku atena. Dilaki si merawa pulung ngelawan aku, la erkiteken dosa ras salah si kubahan.

⁵La erkiteken aku ersalah, o TUHAN, tapi pedas ia lawes ersikap ngelawan aku.

⁶Kekeken dingen sampatilah aku TUHAN, o Dibata si Meganjang, o Dibata nu Israel, nehenlah min. Kekeken dingen ukum min bangsa-bangsa, ola kelengi kalak jahat si penghianat.

⁷Kenca ben wari reh ka ia, erbaung desken biang tupung ia ngkeleweti kuta.

⁸Dengkehkenlah kai si ikatakenna! Dilahna bali ras pedang, iakapna la lit si megi rananna.

⁹Tapi itawaiNdu ia, o TUHAN kerina bangsa perbegu iuru-uruNdu.

¹⁰Kam kap gegehku, man bandu ende-enden pujinku, sabap Kam kap Dibata tahan turungku.

¹¹Dibatangku ngkelengi aku dingen idahiNa aku. IpelepasNa kuidah musuh-musuhku talu.

¹²O TUHAN ampang-ampang kami, o Dibata ola ia ibunuhNdu, gelah ola lupa bangsangku. Alu kuasaNdu kerapkenlah ku jah ku jenda, talukenlah ia, o Tuhan, sekawal kami.

¹³Sabap erdosa ia arah babahna, alu kata-kata si ibelaskenna. Kena siding kesombongennalah ia, sabap meriah iakapna numpahi dingen erbual.

¹⁴O Dibata, kernepkenlah ia alu pernembehNdu, kernepkenlah ia seh keri. Gelah kerina kalak meteh maka Dibata kap si merentah Israel, dingen pemerentahNa seh ku belang-belang doni.

¹⁵Kenca ben wari reh ka imbang-imbangku, erbaung ia desken biang ngkeleweti kuta.

¹⁶Seri ia ras biang ngkaisi sampah, jenari ngereng adi la besur.

¹⁷Tapi rende aku kerna kuasaNdu, tep-tep erpagi-pagi kuendeken keleng ateNdu si tetap. Kam kap kuta bentengku inganku cicio i bas paksa kesusahen.

¹⁸Kupuji Kam, o Dibata, Kam kap sekawalku, kuta bentengku, Kam kap Dibata si ngkelengi aku.