Read Batak Karo MASMUR 61 Bible Online

MASMUR 61 - Batak Karo bible

MASMUR 61

²Dengkehken min sorangku erlebuh o Dibata; begiken min pertotonku.

³Tupung pengarapenku enggo peltep, ndauh i rumah nari, erlebuh aku baNdu. Taruhken aku ku bas ingan cebuni si aman,

⁴sabap Kam kap pengawalku, benteng si enteguh ngalaken imbangku.

⁵Pelepas aku tading i bas kemahNdu kidekah geluhku, maka aku aman i teruh kabengNdu.

⁶Sabap Kam o Dibata, si enggo megiken padanku, iberekenNdu man bangku si jadi kerajangen kalak si erkemalangen man baNdu.

⁷Cawir metualah raja; umur geluhna seh ersundut-sundut.

⁸O, Dibata rasa lalaplah ia jadi raja i adep-adepenNdu, kawali min ia alu keleng ateNdu si tetap, dingen alu kesetianNdu.

⁹Adi bage lalap aku ngendeken ende-enden pujin man baNdu, asum aku nehken persembahen tep-tep wari sue ras si kupadanken man baNdu.