Read Batak Karo MASMUR 62 Bible Online

MASMUR 62 - Batak Karo bible

MASMUR 62

²Alu sinik kutimai Dibata ngkelini aku, sabap man baNa saja ngenca aku ernalem.

³Ia ngenca si ngkawali dingen si ngkelini aku, Ia penampatku, la ndigan pe aku talu.

⁴Aku enda enggo buruk desken bide si runtuh; asa kai nari dekahna atendu ngayak-ngayak aku?

⁵Atendu ndabuhken aku saja ngenca i bas inganku si meganjang nari. Ngena atendu kata la tuhu, i bas biber ngenca kam masu-masu, tapi i bas ukur kam numpahi.

⁶Alu teneng kutimai Dibata, pengarapenku man baNa saja ngenca.

⁷Ia ngenca si ngkawali aku dingen engkelini aku, Ia penampatku, la ndigan pe aku talu.

⁸Ia kap Dibata si ngkelini dingen mereken kemulian bangku, Dibata kap gegehku dingen kecionku.

⁹O bangsangku, ernalemlah man Dibata katawari pe, turiken isi pusuhndu man baNa, sabap Ia kap inganta cicio.

¹⁰Manusia e bali ras sekali erkumesah ngenca, si mehaga tah medungu kerina ia la lit ergana. Adi itimbang, ieteh maka menahang me ia, nahangen asangken sekali erkumesah.

¹¹Ola arapken ulih kejahaten, dingen keuntungen i bas barang rampasen. Aminna pe tambah-tambah kebayaken, ola leket ukurndu ku je.

¹²Piga-piga kali kubegi Dibata ngerana, maka Ia nge si Mada Kuasa,

¹³dingen keleng ateNa tetap rasa lalap. Kam o TUHAN, mereken upah man tep-tep kalak rikutken perbahanenna. [61†]