Read Batak Karo MASMUR 64 Bible Online

MASMUR 64 - Batak Karo bible

MASMUR 64

²O Dibatangku begiken pertotonku, sabap aku i bas kesusahen. Mbiar kal aku, kempak musuh-musuhku. Kelini min aku.

³Kawali aku i bas pertakin kalak jahat nari, i bas kalak jahat si nterem nari.

⁴Igarutna dilahna desken pedang, entelap rananna bagi panah.

⁵Alu erbuni-buni icedakenna gelar kalak si tutus. Alu la meteh mela meter babahna ncekurakisa ngadi-ngadi getem.

⁶Tetap ukurna, ndalanken sura-surana si jahat; ersada arihna guna nogeng siding, janah iakapna labo lit si ngidahsa.

⁷Isurakenna erbahan si jahat, dingen iakapna maka enggo serta rencanana e. Pusuh ras perukuren manusia, ise pe la meteh kuga bagesna.

⁸Tapi ipanah Dibata kalak jahat alu panahNa, e maka rempet ia luka.

⁹IkernepkenNa kalak jahat erkiteken rananna, e maka ngupir kasa kai kalak si ngidahsa.

¹⁰Kenca bage maka mbiar kalak kerina, e maka rukur ia kerna kai si enggo ibahan Dibata, dingen nuriken kerna kai si ilakokenNa.

¹¹E maka kerina kalak benar ermeriah ukur, i bas Tuhan. Ku Ia me cicio, kerina kalak bujur muji Ia.