Read Batak Karo MASMUR 67 Bible Online

MASMUR 67 - Batak Karo bible

MASMUR 67

²O Dibata, pernehenlah kami alu kiniulin, mekuah min ateNdu pasu-pasu min kami;

³gelah peratenNdu itandai kalak i belang-belang doni, gelah kerina bangsa meteh maka Kam ngenca ngasup ngkelini manusia.

⁴O Dibata, ipuji bangsa-bangsalah Kam, kerinalah kalak ngataken bujur ku Kam.

⁵Rende-ersuraklah kerina bangsa-bangsa, rendelah alu ukur si meriah. Sabap bujur kap Kam i bas erbahan keputusen, janah kerina bangsa-bangsa i doni Kam si njujurkenca.

⁶O Dibata, ipuji bangsa-bangsalah Kam, ngataken bujurlah kerina bangsa-bangsa man baNdu.

⁷Enggo ibereken taneh enda ulihNa, Dibata, Dibatanta enggo masu-masu kita.

⁸Dibata enggo masu-masu kita, kerinalah i belang-belang doni pehaga Ia.