Read Batak Karo MASMUR 78 Bible Online

MASMUR 78 - Batak Karo bible

MASMUR 78

¹Ende-enden Asap. O bangsangku begikenlah ajarku, begiken min cakapku.

²Kubelasken kuan-kuanen dingen perumpaman, rusia jaman si nuria ateku kuterangken. [76†]

³Perkara-perkara si enggo sibegi dingen sialoken, si ituriken nini-nininta.

⁴La ateta e sibuniken man anak-anakta, tapi situriken man kesusurenta, kerna kuasa TUHAN ras perbahanenNa si mejin, bage pe tanda-tanda kuasa si ilakokenNa.

⁵Man bangsa Israel iberekenNa pedahNa, man kesusuren Jakup iberekenNa perentahNa. IsuruhNa nini-nininta, ngajarken man anak-anakna.

⁶Gelah sundut si arah pudi pe metehsa, janah anak-anak si langa tubuh pe nurikenca ka man anak-anakna.

⁷Alu bage, ia pe kerina Dibata ka penalemenna, la ilupakenna perbahanen Dibata, tapi lalap ia patuh man perentah-perentahNa.

⁸Gelah ola ia seri ras nini-ninina, bangsa pemberontak dingen la patuh si la tetap kinitekenna man Dibata, si la erkemalangen man baNa.

⁹Suku Eperaim, ersenjataken panah, lompat i bas peperangen nari.

¹⁰Ilanggarna perpadanenna ras Dibata, dingen la ia patuh man undang-undangNa.

¹¹Lupa ia nandangi kai si enggo ibahanNa, tanda kuasa si enggo icidahkenNa.

¹²I lebe-lebe nini kalak enda, ilakoken Dibata tanda kuasa, i negeri Mesir, i taneh kendit Soan. [77†]

¹³IbelahNa lawit, jenari ikeparkenNa kalak enda, bali ras lingling lau itombengNa. [78†]

¹⁴Tupung suari ibabaina kalak enda alu embun, sanga berngi alu terang api. [79†]

¹⁵IbekakenNa batu i gurun pasir, i jenari maler lau mbelin tempa-tempa rehna i bas ingan si mbages nari, janah ipepinemNa kalak ndai asa puasna. [80†]

¹⁶Uruk-uruk batu isuruhNa pedarat lau, bali ras lau belin permalerna.

¹⁷Tapi iteruskenna nge lalap erdosa man Dibata, i gurun pasir berontak ia man si Mada Kuasa,

¹⁸Alu sengaja icubaina Dibata, alu mindo pangan kai ia merincuh. [81†]

¹⁹Ilawanna Dibata alu ranan nina, “Ngasup kin Dibata mere kita man i gurun pasir enda?

²⁰Tuhu ipekpekNa deleng batu si piher, e maka maler lau anak i jenari. Tapi ngasup kin Ia nikapken roti, dingen mereken daging i jenda man bangsaNa?”

²¹Kenca ibegiNa si e, e maka merawa TUHAN man bangsaNa, iserangNa bangsa alu api, janah tambah-tambah ateNa nembeh.

²²Sabap bangsa e la tek man baNa, dingen la ia ernalem nandangi kuasaNa si ngkelini e.

²³Amin bage pe iperentahkenNa langit, gelah italangina pintun-pintunna.

²⁴IpesusurNa nakan i Surga nari, e me manna jadi pangan kalak enda. [82†]

²⁵IberekenNa man kalak enda pangan Surga, e maka man me ia asa besurna.

²⁶IsuruhNa angin Timur rembus, alu kuasaNa erpiu-piu ibahanNa angin i Selatan nari.

²⁷Man bangsaNa ipesusurNa leto, bali buena ras kersik i tepi lawit.

²⁸Leto idabuhkenNa i tengah-tengah perkemahen, i sekelewet inganna tading.

²⁹E maka man me kalak enda ngayak besur, sabap enggo ibereken Dibata rikutken pemindonna.

³⁰Tapi kerincuhen kalak enda la erpuas-puas, e maka tupung kalak enda man denga,

³¹keke rawa Dibata jenari iserangNa kalak enda, ibunuhNa dilaki si merawa ras si mbisa Israel.

³²Amin bage pe, tetap ka nge bangsaNa erdosa, tanda-tanda kuasa labo erbahanca tek ia.

³³E maka ipeltepken Dibata kesah kalak enda, bagi sekali erkumesah lesap ia kerina.

³⁴Tupung ibunuhNa piga-piga kalak i bas kalak enda nari, si debanna jera jenari tuhu-tuhu mulihken man baNa.

³⁵Ingetna maka Dibata kap sekawalna, dingen si Meganjangna kap si ngkelini ia.

³⁶Tapi ranan kalak enda terjeng biber ngenca, la lit kata tuhu si ibelaskenna.

³⁷La kalak enda tutus man baNa, dingen la itepatina perpadanenna. [83†]

³⁸Tapi icidahken Dibata perkuah ateNa man bangsaNa, ialemiNa dosa-dosana, janah la ikernepkenNa la ipulahiNa nembehNa.

³⁹IngetNa maka kalak enda manusia si ermasap-masap kepe, seri ras angin si rembus dingen mentas saja, janah lanai mulihken.

⁴⁰Lanai kurang katepna kalak enda berontak man baNa, nakiti ukurNa i gurun pasir.

⁴¹Iulih-ulihina encubai Dibata, nuhsahi Dibata Israel, Dibata si Badia.

⁴²Lupa kalak enda kuasaNa si mbelin, lupa ia tupung ipulahi Dibata ia i bas imbang-imbangna nari.

⁴³Tupung ilakokenNa perbahanen si mejin i Mesir, dingen tanda-tanda kuasa i Kendit Soan.

⁴⁴Lupa ia kerna lau belin si iobah Dibata jadi dareh, seh maka launa lanai terinem. [84†]

⁴⁵Isiksana kalak Mesir alu laneng, ipelepasna negerina ikernepken katak. [85†]

⁴⁶IberekenNa labang, lako ngkeriken peranin ras encedai juma. [86†]

⁴⁷IcedakenNa peken anggur kalak enda alu baho, dingen batang-batang ara icedakenNa alu embun. [87†]

⁴⁸Lembuna ibunuhNa alu baho, dingen asuh-asuhenna idumpang perkas.

⁴⁹PernembehNa si gara iberekenNa man kalak enda runtus rawa kepiceten desken pasuken malekat reh maba cilaka.

⁵⁰Ipediat Dibata maka gara pernembehNa, la ikeliniNa geluh kalak enda ikernepkenNa kalak e alu penakit laya-laya.

⁵¹I bas kerina keluarga kalak Mesir, ibunuh Dibata kasa kai anak sintua. [88†]

⁵²E maka ibabaiNa bangsaNa desken biri-biri, itaruhkenNa arah gurun pasir. [89†]

⁵³I bas penaruhkenNa, teneng dingen la mbiar bangsaNa tapi lawit reh ergalun namburi imbangna. [90†]

⁵⁴Jenari itaruhkenNa bangsaNa ku negeri si Badia, ku deleng si irebutNa alu kuasaNa. [91†]

⁵⁵I lebe-lebe bangsaNa, ipelawesNa penduduk negeri e, jenari ibagi-bagiNa negeri e, man kerina suku-suku Israel, seh maka banci pe ia ringan i bas rumah musuh-musuhna. [92†]

⁵⁶Tapi bangsaNa berontak dingen iujina Dibata si Mada Kuasa, la ipatuhiNa perentah-perentahNa. [93†]

⁵⁷Bali ras nini-ninina ia pe imbang Dibata, desken anak panah si nggeduk la terteki ia.

⁵⁸Ipekekena rawa Dibata alu erbahan ingan nembah man berhala, ipehirina ate Dibata alu erbahan gana-gana.

⁵⁹Ngidah perbahanen bangsaNa e, merawa kal Dibata, keri kal itulakNa bangsa e.

⁶⁰InganNa tading i tengah manusia e me rumahNa si i Silo, itadingkenNa. [94†]

⁶¹Tanda kuasa ras kemulianNa, ipelepasNa itaban, e me Peti Perpadanen e. [95†]

⁶²ItembehiNa bangsaNa jine, e maka ipediatNa ibunuhi musuh-musuhNa.

⁶³Anak perana ipan api, e maka la lit si ngempoi singuda-nguda.

⁶⁴Alu kejam ibunuhi kalak imam-imamna, dingen diberu-diberu si enggo mbalu e la ibere nangisi perbulangenna.

⁶⁵Tapi dungna keke TUHAN desken kalak si mbaru medak, desken kalak mbisa kenca minem anggur.

⁶⁶ItalukenNa musuh-musuhNa, ibahanNa maka mela iakapna rasa lalap.

⁶⁷Tapi kesusuren Jakup itulakNa, suku Eperaim la ipilihNa.

⁶⁸Suku Juda nge si ipilihNa, dingen deleng Sion kap si keleng ateNa.

⁶⁹I je, ipantekiNa rumahNa, desken rumahNa si i Surga, teguhna bali ibahanNa ras doni, rasa lalap la mundu-undu.

⁷⁰IpilihNa suruh-suruhenNa Daud, i bas mbalmbal nari idiloNa ia. [96†]

⁷¹Ia idiloNa i bas inganna ermakan biri-biri, gelah ipermakanina bangsaNa Israel.

⁷²Alu ate tutus ipinpinna bangsa e, alu kepentarenna ipermakanina kerina.