Read Batak Karo MASMUR 79 Bible Online

MASMUR 79 - Batak Karo bible

MASMUR 79

¹Masmur Asap. O Dibata, bangsa si la nandai Kam, enggo iserbuna negeriNdu. Ikaruskenna RumahNdu, jenari iruntuhkenna Jerusalem. [97†]

²Bangke suruh-suruhenNdu itadingkenna jadi pangan man perik i awang-awang. Bangke bangsaNdu ipediatna jadi pangan rubia-rubia si meliar.

³I belang-belang Jerusalem, mambur dareh seri ras lau; janah la lit si tading ngkuburkenca si enggo mate.

⁴Kami jadi saling-salingen bangsa si isekelewet kami, janahna ngupir itawaina kami.

⁵O TUHAN rasa lalap kin Kam nembeh, dingen cemburuNdu gara bagi api?

⁶Useken min rawaNdu man bangsa-bangsa si la nembah man baNdu dingen kerajan-kerajan si la ertoto man baNdu.

⁷Sabap kalak enda enggo munuh bangsaNdu, jenari ikernepkenna tanehna.

⁸Ola kami iukumNdu erkiteken dosa nini-nini kami, pedas min bereken perkuah ate, sabap kote kal kami.

⁹O Dibata penampat kami, kelini kami dingen alemi dosa-dosa kami erkiteken kemulianNdu.

¹⁰Ola pelepas bangsa si deban nungkun kerna kami, “I ja Dibata kalak ah?” Bere maka idah kami pembalasen si ibahanNdu, man bangsa-bangsa si munuh suruh-suruhenNdu.

¹¹Begikenlah uga perndehereng kalak si tertaban, alu kuasaNdu bebasken min kalak si nandangi iukum mate.

¹²O TUHAN, balaslah pitu kali lipat, nandangi bangsa-bangsa si deban erkiteken ibahanna man baNdu penghinan.

¹³E maka kami bangsaNdu, biri-biri permakanenNdu, lalap kami ngataken bujur, dingen ipuji kami Kam seh rasa lalap.