Read Batak Karo MASMUR 81 Bible Online

MASMUR 81 - Batak Karo bible

MASMUR 81

²Ersuraklah man Dibata gegehta, man Dibata Jakup, ersuraklah.

³Palu gendang rendelah, petik gambus ras kuit kulcapi alu mejile.

⁴Embus terompet i bas pestanta, i bas pesta bulan mbaru dingen bulan purnama. [99†]

⁵Enda me perentah i bas Dibata Israel nari, si man dalanenken i Israel.

⁶Perentah e ibereken Dibata man kalak Israel, tupung iserang Dibata negeri Mesir. Lit kubegi sora, si langa pernah kubegi ope si enda nina,

⁷“Enggo Kuangkat baban i bas takalndu nari, enggo Kuangkat baban i bas barandu nari.

⁸I bas kesuhsahen erlebuh kam, e maka reh Aku ngkelini kam. Kualoi kam i bas lenggur inganKu cebuni nari, i Sumbul Meriba kam Kuuji. [100†]

⁹O bangsangKu, begiken min kata persingetKu, o Israel, dengkehken min Aku.

¹⁰Ola lit Dibata si deban i bas kam, ola nembah man Dibata bangsa si deban, [101†]

¹¹Aku kap TUHAN Dibatandu, si maba kam ndarat i Mesir nari. Ngangaken babahndu maka Kubere nakan kam.

¹²Tapi bangsangKu la nggit megiken katangKu. Israel la nggit erkemalangen man bangKu.

¹³E maka Kupelepas pusuhna batu-batun, jenari ikutkenna bagi ate-atena.

¹⁴Oh adi nggit min ndai bangsangKu megiken katangKu, adi nggit min ndai ia erkemalangen man bangKu,

¹⁵mintes min ndai Kutaluken imbang-imbangna, kerina musuhna Kulawan.

¹⁶Kalak si ernembeh ate bangKu, alu nggirgir erjimpuh me ia i adep-adepenKu, rasa lalap ia kena ukumen.

¹⁷Tapi man bandu Kubereken gandum si mejilena, dingen Kubesuri alu tengguli kerangen.”